Saturday, 22 November 2014
Parlamentario sra. Lorna C. Jansen-Varlack: Lider di MEP sra. Evelyn Wever - Croes un biaha mas ta duna pueblo informacion incorecto tocante e tema di Abuso di Mucha Print E-mail
Thursday, 04 July 2013 09:47
Comparti
DSC_2063
Nos por a tuma nota un biaha mas con lider di MEP sra. Evelyn Wever-Croes ta purba di haci politica cu dolor di hende pa cu su expressionnan tocante e manera con Abuso di Mucha a wordo trata den Parlamento y e falta di atencion cu segun su persona Gobierno tawatin pa e asunto aki.

Nos ta den temporada di campaña y e ta mas cu obvio cu oposicion di MEP mester busca delaster arma pa ataca Gobierno y Parlamento (fraccion di AVP) pa purba saca probecho politico. Asta riba un asunto asina delicado lider di MEP kier haci wega politica cu e unico meta pa traha riba e sentimentonan di famianan afecta. Na maart 2010 un mama cu curashi a entrega na Parlamento di Aruba un documento cu miles di firma pa pidi Parlamento pa duna atencion na e fenomeno aki y pa hisa e castigo di e malhechornan. E dama aki corectamente a busca sosten di pueblo pa hisa e castigo pa e malhechornan aki pa e delito bergonsoso aki. Parlamento di Aruba a tuma e peticion aki hopi serio y a lanta un comision extraordinario bou presidencia di presidente di Parlamento, sr. Paul Croes pa trata e tema aki y pa wak kico parlamento su influencia por ta pa cu e asunto aki. E comision extraordinario, unda mi persona tawata forma parti di dje pa cu Abuso di Mucha a sinta cu tur e instancianan cu ta trata cu Abuso di Mucha en general pa haya un idea di e situacion aki na Aruba, con e proceduranan ta, kico ta wordo haci den situacionnan asina y basa riba kico e castigonan tawata wordo duna.

E comision a sinta cu entre otro Fundacion Guia Mi, Bureau Sostenemi, Voogdijraad, dr. J Rajnherc, vocero di Medico di Cas, Zedenofficier Openbaar Ministerie, Jeugd-en Zedenpolitie etc. Despues di a yama diferente reunion, e comision extraordinario a traha un documento cu 9 recomendacion pa Gobierno. E documento aki a wordo entrega na minister Michelle Hooyboer- Winklaar, minister Arthur Dowers y minister president sr. Mike Eman. E no ta parlamento su prerogativo pa bin cu un maneho of pa dicidi riba un maneho pa cu e tema aki, pero a base di informacion acumula e comision por a bin cu recomendacionnan pa Gobierno. E dolo ta cu sra. Evelyn Wever- Croes a entrega un iniciativa di Ley pa trece cambio den e Codigo Penal di Aruba cu e meta pa introduci castigonan minimo pa cu delitonan contra menornan. E initiativa di Ley aki a wordo rechasa y manda bek pa e lider di MEP cu no a sigui traha riba dje. Si di berdad e tawata kier proteha nos muchanan e lo a sigui traha riba e ley aki, pero mirando cu loke e tawata kier haci lo tin consecuencianan negativo pa nos sistema hudicial a dicidi pa lage te eynan. Awe e mesun lider aki sra. Evelyn Wever-Croes ta bisa cu Gobierno y parlamento no a haci nada pa proteha nos muchanan.

E mes no tawata miembro di e comision extraordinario, pero su colega tawata presente y tawata participa activamente. Nos por conclui e ora ey cu e ta tilda su colega di partido cu e tampoco no a haci nada. Esaki ta e mentalidad baho di e lider aki cu no ta pensa prome cu e bin cu acusacionnan infunda. Algun di e recomendacionnan a haya atencion caba, pero nos ta consciente cu hopi mas mester wordo haci pa proteha nos muchanan. Nos ta consciente cu e ta un proceso largo y intensivo. E aspectonan di conscientisacion y educacion riba e tema aki ta hopi importante y e campaña mester ta consecuente. Mi ta lamenta cu lider di MEP, sra. evelyn Wever-Croes un biaha mas ta bin cu mentira y insinuacionnan sin base pa traha riba sentimento di famianan y pa saca probecho politico riba dolor di famianan afecta. Como lider di un partido cu ta bay eleccion dentro di un par di siman, e mester a presenta pueblo un plan con su persona lo anda cu e situacion aki den futuro. E mentalidad di gaña y sigui gaña tin pueblo fada. Basta cu e mentiranan aki!

Comparti
Comentarionan (5)Add Comment
bochixhi
July 04, 2013
201.229.37.231
Votes: +10
...

bpn ta boso ta den gobierno dus traha i stop di kere ta 4 ana pasa.boso tin hende fada ja jora mep mep mep.ta pesey boso tin 14-6 paboso traha.

ban serio
July 04, 2013
201.229.9.184
Votes: +13
...

E senjora Lorra aki ta sam sam cu clarisca cuminsa despidi di parlamento paso NI ariba Lista boso NO mester bolbe ,tin hopi hende mas capaz cu boso!!!!!

mercedz
July 04, 2013
201.229.90.27
Votes: +10
...

E senora aki no a baha cu pension caba? Kier meen e ta bai baha un biaha mas cu pension anto strika mas plaka di pension ariba loke e tin caba. Ta pesey no ta bai tin plaka pa paga otronan. baha pa caba.

str
July 04, 2013
93.186.31.96
Votes: +8
...

Ahn anto abo si!Plz

Hisa castigo
July 04, 2013
201.229.35.59
Votes: +12
...

Ta AVP tin mayoria den parlamento, dus cu mayoria so bo por cambia ley. Dus e ta den man di AVP pa hisa castigo pa e abusadornan di mucha. Evelien su man ta mara paso ta AVP ta dicidi cu su mayoria.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter