Wednesday, 23 July 2014
Parlamentario Booshi Wever: Dia di san pedro, patrono di piscado, 26 di juni, a pasa bay sin haya mucho atencion; piscadonan di aruba ta celebra e dia di nan patrono riba diadomingo, 7 di juli Print E-mail
Thursday, 04 July 2013 08:53
DSC_2063
Manera mester ta conoci, dia 26 di juni tabata dia di San Pedro kende ta ser considera e Patrono di tur piscador. Mi mes no ta un piscado di profesion, pero laman ta atrae mi pa placer; e mesun laman ey sin embargo a siñami comprende tambe e balor di e ofishi, y e riesgo- y peligernan cu e piscado mester enfrenta ora e ta riba laman.

P’esey mi tin respet pa e piscadonan, principalmente esunnan di profesion, kende cu e ofishi peligroso aki, ta trece e pida pan honradamente riba mesa pa nan famia, y ta abastece mercado cu e cuminda di laman precioso aki.

Biblia (Juan 21, versiculo 6) ta conta nos cu un dia, ora cu Pedro, un piscado humilde, kende despues a bira patrono di piscadonan, no tabata logra pisca nada, Hesus a bise “Pedro, tira bo reda na banda drechi, y lo bo haña abundancia”; compañeronan di Pedro mester a bin yuda Pedro pa logra hisa su redanan den su boto.
Mescos cu Hesus a duna Pedro abundancia, mi ta sigur cu E lo duna abundancia tambe na nos amigonan piscado, pero tambe, mediante boso Patrono San Pedro, e proteccion cu boso merece, pa boso por regresa cerca boso famia despues di un cosecha abundante.

Corda si pa no reta destino, y no sali pa laman grandi sin e atributonan necesario pa un biahe na prome lugar sigur, pero na mesun momento agradabel.
Corda cu bo sernan keri ta sperando riba bo!

Na ocasion di Dia di San Pedro, boso Patrono, y na ocasion di ta celebra boso “Dia di Piscado” diadomingo, dia 7 di juli, mi kier, tambe den nomber di mi propio famia y esun di nos partido Union Patriotico Progresista – U.P.P., manda un caluroso pabien na tur esnan cu sea tin piscamento como nan ofishi, pa asina nan por mantene nan famia, of tin piscamento como nan hobby.

Amigonan piscado, keda eherce e ofishi aki cu curashi y perseverancia, pero tambe cu tur dignidad y orguyo, y semper confiando riba proteccion di boso patrono Pedro!

Y no lubida: Bo famia ta sperabo!

Feliz Dia di Piscado! Feliz Captura!

Comentarionan (5)Add Comment
chabe
July 04, 2013
81.68.123.223
Votes: +3
...

De pronto Booshi Wevro a hanja un iluminacion y ta corda riba piscadornan. E pier den su bario e no por a laga drecha durante 8 anja cu e tabata den gobierno cu MEP. Foei meneer Wevro. E piscadornan bo mester a corda riba nan tempo bo tabata goberna.Punt.

candelario wever
July 04, 2013
201.229.71.250
Votes: +0
...

@R.Geerman, bo tin razon berdad ta dia 29 eta. Ta un eror fastioso, mi lo corigi esey, thanks pa e coreccion.

R. Geerman
July 04, 2013
84.27.189.253
Votes: +4
...

Mundo henter ta fiesta dia 29 di juni fiesta di San Pedro y no dia 26 di juni. Dus helaas 3 dia promer naturalmente no ta e dia pa hasi fiesta y pone antencion

ver van huis
July 04, 2013
77.163.203.251
Votes: +9
...

Booshi ta cos di hasi bo no in. Get a life. bo tabata kier a bira lider,bo a bira bo mes lider. anto keda keto awor. Mi kier a dunabo un conseho Booshi. Bo salud no ta masha di gaba, pakiko sigi lucha algo cu no ta logra mas? No tabata mihor cu bo a baha cu pensioen cu bo ex lider? Awor e tin kunuku na grandi ta planta riba un rust cu plaka di pueblo. Bai sosega e body cu famia i laga pueblo cu trankilidad.

M.E.tromp
July 04, 2013
62.58.32.203
Votes: +10
...

Meneer, busca manera di haci bo trabow den parlamento, cu september ta den porta. Porfabor stop di klets estupides.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter