Monday, 28 July 2014
Andin Bikker (PDR): Proyecto di Tram a costa Aruba 29 miyon florin Print E-mail
Wednesday, 03 July 2013 22:37

Andin Bikker012

E gobierno aki ta gasta e placa prome despues ta bin pidi parlamento aprobe segun lider di PDR Gobierno a mal gasta grandemente placa di pueblo den e proyecto di tram of trolly, street car con cu bo kier jame. Fraccion di PDR a trece esaki dilanti pasobra porfin a haya e ley cu a jega Parlamento pa loke ta trata e landsverordening spoorwegen.

Den e ley aki a constata cu en total e proyecto di tram cu ningun hende a bai eleccion cune a costa pueblo 29 miyon florin. E cifranan aki mr. Andin Bikker a saca nan bisando cu e proyecto lo a costa 15 miyon pa cinco aña fuera 1 miyon di e aña aki 16 miyon, fuera e ta costa 3 miyon pa aña pa explote cu ta tres bez cinco ta 15 miyon mas. Fuera di e cifranan aki 100 mil florin pa mantencion y sin conta e gastonan ora e tram a sali for di spoor pasobra tabatin poco stof den e railsnan. Di e 29 miyon minimo pa e gastonan ainda no a conta e gastonan di kibramento di full e caya, tur e retrasonan cu ta tin, y tambe e 90 comerciante di cual 15 di nan a sera nan tienda caba y hopi di nan ta pasa trabao pa mantene cabez riba awa. Na varios ocacion no solamente a señala un problema pero ta bin cu posibel solucion. Segun lider di PDR nan a bisa varios biaha cu gobierno mester a wak kico e municipionan na Hulanda a haci manera Maastricht, nan a studia pa nan bai kibra caya cu tur gasto y retraso y e daño pa e comerciante y a dicidi di bin cu un solucion esta un zone tram. E zone tram aki a costa apenas 275 mil dollar pa 1. Aki na Aruba cada tram ta costa 1.772 miyon y ta bai busca cuater. Dos di nan a bin caba. E suma aki ta bin adicional riba e sumanan menciona ariba. Segun mr. Bikker si gobierno a cumpra por ehempel cuater di e zone tramnan aki lo tabatin un gasto minimo pasobra nan ta corre riba tire y nan mes ta recarga nan mes. E gastonan di operacion tabata hopi minimo y no a molestia e comerciantenan cu cuater aña largo nan no tabatin entrada y riba dje gobierno no kier a recompensanan tampoco. PDR a propone gobierno pa bin cu e ley di recompensacion cu ta existi na Hulanda. Lider di PDR a trece dilanti un otro ley pa mustra cuanto cos por a wordo haci, den e wegen infrastructuur fonds cu a wordo trata e siman aki, un budget di 10 miyon apenas un paar di caya por wordo asfalta y den pregunta cu a haci na gobierno tin 167 caya na Aruba cu no tin asfalt dilanti nan porta. Si gobierno a studia e proyecto manera a haci na Maastricht, lo a resta placa pa asfalta cayanan, pa traha scol y placa pa haci hopi cos. Si tin placa pa parti ta otro, pero Aruba tin un debe nacional cu ta creciendo segun cifranan di banco central cu ta 6 biyon. Aruba ta bai den debe inpagabel anto e gobierno aki ta gastando placa pa loco y caba bez cu señala esaki nan ta cuminsa critica pasobra ta bon trabao so nan ta haciendo. Den e caso di proyecto di tram e intencion ta bon riba enbeyecimento di caya pero e manera di ehecuta a bai completamente robez y un mal gastamento di placa tabatin. E gobierno aki ta gasta e placa prome y despues nan ta bin pidi aprobacion di Parlamento. Esaki ta mescos cu nan a haci cu presupuesto. Fraccion di PDR no por coopera cu tipo di actuacionnan asina, pasobra na final di dia ta e pueblo a apunta PDR como nan representante pa controla gastonan di gobierno. Aki por mira cu gobierno ta ehecuta un proyecto di mas di 29 miyon y den tipo di carambola ta bin parlamento pa e proyecto aki wordo aproba. Esey no ta manera di ehecuta un proyecto y esey no ta democracia parlamentario.

Comentarionan (14)Add Comment
Speranza
July 04, 2013
201.229.31.157
Votes: +0
...

Dimes djies pasa dilanti su cas y wak e bandera cu ta bula " Cambio cu Andin" esey ta un muestra con arogante e politico amarga aki ta. El a purba tur manera pa yuda cierto comerciantenan den caya,cu no ta Arubiano, saca placa for di pueblo,siendo e gobierno noble aki a hinka hopi plaka caba pa yuda drecha e caya principal cu su ex partido a destrui y kier a bende na un no Arubiano!! Nos sa cu e proyecto aki ta hasi boso hopi d**or y PDR lo no saca asiento segun un encuesta cu a wordo hasi y bo lider sa esey!!B'a faya y lo bo haya.

gucci
July 04, 2013
190.88.212.28
Votes: +4
...

29 miyon na tram,90 miyon regala na Valero, 1 miyon euro na wubbo, 3 miyon na europa Huis, 20 miyon na coordinador, viajamento y fiestamento, huurmento di edificio di F&F! otro 20 miyon. AVP a tira casi 200 miyon di nos plaka afo. Criminalidad a subi, pobresa a subi, werkeloosheid a subi. Bon trabow??

ban serio
July 04, 2013
201.229.9.184
Votes: +4
...

@ speranza Dindin por wel perde speranza cu su x 1 asiento ja e NO merece!! E ta hunga un politiek susji pa bai caminda ta mas mijor pe!! E no ta ni carni ni pisca bo no por confia den dje ,ta pesey e NO por haja candidatos di PESO!!RIP

ban serio
July 04, 2013
201.229.9.184
Votes: +4
...

Mi ta un AVP pero NO ta di acuerdo cu e TRAM!!!!!

ver van huis
July 04, 2013
77.163.203.251
Votes: +2
...

Andin, stop di papia desparate. Bo ta MEP del alma. *ero ni asina mes ni abo ni MEP por a kibra AVP

str
July 04, 2013
93.186.23.97
Votes: +2
...

Respect pe guy ki aunke mi ta geel

chabe
July 04, 2013
81.68.123.223
Votes: +4
...

Almenos e mijones no a desaparece den sako di F&F.
Tur dia bo por mira e tram core. Di otro banda, tin algun anja cu por mira Hotel Central para bashi y F&F ta hari den nan barba con nan ta cobra plaka di pueblo tur luna. Danki MEP,Danki Booshi Wever.

str
July 04, 2013
93.186.31.82
Votes: +0
...

Biba AVP Biba Debe!

Milton Edward Tromp
July 04, 2013
62.58.32.203
Votes: +0
...

Desde cu mi por a vota, semper mi a vota pa difunto Watty Vos y despues mi a vota 2x mas AVP y mi ta kere cu e gobierno aki ta trahando mucho mehor cu qualquier otro gobierno. Pa loque ta trata e tram, si mi ta sincero cu mi mes mi mester acepta y bisa Mike of Benny publicamente: De tram is weg gegooid geld. No tin ni-un argumento positibo pa cu e tram su existencia. Punt uit.

avp di mes
July 04, 2013
86.51.162.209
Votes: -4
...

ai speranza bo ta scribi mane ta boso ta dicidi kaba pa aruba andin tin tur rason di argumenta riba e gasto nan sin cu twt tin mester ,ken abo a kere cu bo ta pa dicidi ken ta vota pa andin ken diabel bo ta kere cu bo ta pa papia den e nomber di pueblo aki kaba bo ta wak cu ki pensamento boso nan di avp ta kana rond ni un hende no por papia nada malo di avp ja boso ta cla pa bay dicidi ken si ken no awel laga mi bisa bo loke bo tin den bo cabes ei ta
cangreu tine mescos cu bosonan

Savaruba
July 04, 2013
190.104.105.43
Votes: +2
...

Na Hulanda nan tin un crisis, door di banconan y graaic*ltuur, poco,poco e crisi a jega Aruba tambe.
Awor aki Aruba tin un gobierno cu ta solamente liegt en bedriegd

Speranza
July 04, 2013
201.229.31.157
Votes: -1
...

Dindin, keda vota contra tur proyecto cu ta pa Aruba su progreso. September tey mes. Pueblo a duna bo un oportunidad pa mustra ki sorto di politico bo ta, pero bo a resulta mescos cu e geelnan y riba dje bo ta un don sabelotodo. E biaha aki lo bo wordo cori na mal ordo y no bin yora pasobra lo bo keda hopi lew di saca un asiento.

Ex-votador di PDR
July 04, 2013
201.229.14.225
Votes: -1
...

Aruba no ta Maastricht y e condicionnan di
infrastructura no por wordo compara. E storia
di sr. Bikker ta keda mescos: e tin e sistema mas
barata pa helicopter, e tin e companjia pa cumpra
Valero y awor e tin e formula pa e tram sali por nada...!!!
Ban wak con su stoel den parlamento lo keda despues di
September...!!!

BJET
July 04, 2013
84.24.252.133
Votes: +11
...

Te asina leuw cu nos sa, maske mi ta duda masha hopi.
Paso cuanto biaha nan a habri i sera i cambia cos di nobo. Dus e lo ta bay ta mas caro cu nan a verwacht. Ta tempo lo bisa cuanto precies e cos aki lo sali.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter