Thursday, 18 December 2014
Minister Ing. Mike de Meza: A reduci impuesto riba number di auto Print E-mail
Wednesday, 03 July 2013 20:46
Comparti

mdm impuesto

Durante un reunion publico den Parlamento, Minister Ing. Mike de Meza a logra haya sosten unanime pa reduci e impuesto riba numbernan di auto. E cambio aki sin duda lo ta un alivio pa automobilistanan pero di otro banda, ta promove mas uzo di productonan di energia alternativa. Gobierno ta promoviendo nos isla como un pionero den uzo di energia alternativa y den esey mester pensa tambe riba combustibel pa autonan.

Nos semper a conoce autonan cu ta core riba gasolin of diesel. Pero awor, cu tecnologia moderno nos conoce mas tipo di combustibel manera ta Bio Diesel y sin lubida autonan cu ta core un poco riba combustibel y un poco riba coriente y tambe esunnan cu ta core completamente riba coriente so. Den e cambio di ley, Minister Ing. Mike de Meza a propone y Parlamento a aproba e cambio, pa reduci e number di auto pa esunnan cu ta core autonan mas eficiente y cu ta depende menos di combustibel tradicional. Pues e tarifa pa autonan cu ta core riba gasolin lo keda 320 florin pa aña y pa diesel tambe lo keda 620 florin pa aña. E cambionan mas notabel sin duda ta pa esunnan cu ta core autonan cu ta uza Bio Diesel, cu awor ta pagando 620 florin pa aña, pero cu den e cambio lo bay paga awor solamente 225 florin pa aña. Pa esunnan cu ta core autonan Hybrid, cu awor ta pagando 620 florin pa aña, lo bay paga solamente 150 florin pa aña. Esey no ta tur, pasobra esunnan cu ta core auto di coriente, pues cu NO ta uza combustibel tradicional mes, cu awor ta paga 620 florin pa aña na number di auto, lo bay paga solamente 75 florin pa aña! E logro aki tin di haber cu e maneho pro energia alternativa cu Minister Ing. Mike de Meza a bira asina conoci pe ultimo añanan. Su vision ta pa Aruba bira un ehempel pa henter e region den uzo di fuentenan di energia alternativa, manera ta mas uzo di panelnan solar, molina di biento y otronan. Tambe den mas uzo di autonan hybrid y di coriente. E ta un vision cu Gobierno ta hayando sosten for di Hulanda y Merca pa logra ehecuta esaki. Reduccion di impuesto riba productonan di energia berde, manera ta airconan inverter, etc., tabata un prome paso. Reduccion den impuesto riba number di auto tabata e otro gran logro pa Aruba, di Minister Ing. Mike de Meza encarga cu Finansa, Comunicacion, Utilidad y Energia.

Comentarionan (12)Add Comment
jos
July 04, 2013
201.229.77.191
Votes: +4
...

esaki ta un otro fastball di gobierno di avp ganja kita un tiki baha nrplaat anto pa otro anja subi accijns riba e gasoline smilies/grin.gif

Compadre Manuel
July 04, 2013
190.104.105.101
Votes: +10
...

Ach, asina un broadcast grandi den noticia: A REDUCI IMPUESTO RIBA NUMBER DI AUTO, pero net net net NADA!!!! Dit is mensen blij maken met een dode mus!

bobob
July 04, 2013
201.229.37.231
Votes: +12
...

mi a bira contento ora mi a lesa e titular pero ora mi a lese ful.manipulacion atrobe.bolbe pinta cos bunita atrobe pahana foto.

SHREK
July 04, 2013
201.229.31.83
Votes: +4
...

Mihor a cambia e ley di iimpuesto riba e number di auto segun e grandura di e motor di gasolin (y diesel). Dus mas grandi e motor ta mas hopi tin di paga. Ta cuminsa cu 125 florin te cu 1,5 liter motor y pa cada 0,5 liter extra un 100 florin. Asina esun cu ta danja nos medio ambiente mester paga mas. Kizas mester bay combina e peso di auto den e ley.

Fada!!
July 04, 2013
201.229.31.117
Votes: +14
...

Hopi pret! Esnan cu por affort e tipo di auto nan aki ta esun nan cu ta haya e rebaho. Anto e gran parti mes di esnan cu ta uza auto normal ta keda paga e mesun suma na belasting. STOP ohm!!! E minister ki ta basta grandi pa tuma hende hasi di es forma ey. Boso bira serio ohm. Boso ta fada hende cu boso wega sushi nan ohm.

Chubato bieuw
July 04, 2013
201.229.4.27
Votes: +14
...

Y awo nos pobernan cu ta core auto chiquito di 3 of 4 cylinder, motor 1.0, tampoco ta gasta mucho gasoline pero e number ta mescos cu esun cu ta core SUV grandi di 6 of 8 cylinder. Minister, busca caminda tin placa, no serca esunnan cu tin tur e peso riba nan caba! Ta cuanto hybrid tin na Aruba? mi kier sa ni 100! Sorry pero esaki ta creativo pero e no ta yuda ningun hende pasobra esnan cu por cumpra un hybrid tin placa pa paga number halto. E resto tin cu conforma nan mes cu un spark, of piccanto, of yaris, etc. y tambe paga number halto ainda. Dus mi conclusion ta cu e cos aki no ta yuda ningun hende, solamente un grupito atrobe!

H@L'i M@NtEcA
July 04, 2013
201.229.118.202
Votes: +17
...

"A reduci impuesto ariba number di auto", ta e titulo di e artikel aki, Bai lesa e artikel, kiko ta resulta berdad a baha number di auto PERO pa e 2% di auto cu ta coriendo rond di cual hala a wordo cumpra door di gobierno mes y bin haci COMO SI FUERA cu a REDUCI impuesto ariba TUR number di auto...24ora mester stop di laga su mes wordo usa como plataforma di informacionnan Erronio, Confusivo, Misleidend,Manipulativo y/of Sugestivo hopi biaha Insultivo tambe, Corda ariba boso responsabilidad como prensa den un democracia

blackmamba
July 04, 2013
190.104.106.6
Votes: +10
...

bunita pero pakico no uza un plachi di number pa semper enbes di kada aña un color pakico no uza un solo color y esey bo ta keda cu ne pero bo tin cu paga e impuesto riba nan si y ta keda mesun cos

... Low-rated comment [Show]
G C
July 04, 2013
201.229.53.202
Votes: +20
...

kiermen e rebaho aki ta pa e 25 hendenan na Aruba cu tin placa pa cumpra un auto hybrid. Bon ohm, echt hopi bon. Pero mayoria di hende ta pensa "y ami awo? Ki dia boso ta nami algo?"

sea conciente
July 03, 2013
201.229.53.170
Votes: +27
...

Un otro manera di spaar ta si por keda cu e plachi number pa sikiera 5anja enbez di sinta gasta y tira metaal afor asina pornada. Na Hulanda tur auto ta keda cu su nr. vast. Baha impuesto tiki mas pa mi buska mi auto eletrico of hybrid y mi lo pense sigur como opcion!!

R.F.Figaroa
July 03, 2013
201.229.40.119
Votes: +8
...

awor cu falta un paar di simaan prome cu elecion es minister nan ta score pisa pa sigie tene es peublo hasie........

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter