Friday, 19 September 2014
Rene Herde: Criminalidad di awe tin su causa den decisionnan di pasado Print E-mail
Wednesday, 03 July 2013 20:32

reneherde

"E situacion di criminalidad ta serio y inacceptabel pa e calidad di bida cu nos kier y e tipo di economia di servicio cu nos tin. Nos mester actua ainda mas fuerte, mas diligente y mas inteligente pa combati criminalidad den tur su formanan. Pero e causa di e situacion di criminalidad di awe, ta e maneho combina di negligencia di e desaroyo socio-economico di nos pais y di debilita e capacidad di husticia pa mucho hopi aña largo.

Loke nos ta confronta awe ta e consecuencia di mal maneho pa mucho hopi aña, cu a causa un decada di decadencia social, moral y economico pa Aruba. For di october 2009 gobierno di AVP ta corrigi e maneho di ocho aña di MEP. Pero e consecuencia di ocho aña di maldad tey caba. E criminalnan hoben cu awe ta causa tanto dolor y daño na nan famia y na nos pais, no a djis aparece awe como criminal awe y nan no a nace criminal. Nan a cay den criminalidad door di e circunstancianan den cua nan tabata biba aden pa mucho tempo y net den e periodo dificil di nan bida. Nan a cay den criminalidad door di e condicionnan den comunidad cu ta permiti of hasta stimula nan mal comportacion ydoor di e falta di forsa di husticia." Esaki tabata e prome reaccion di Rene Herde riba e crimennan cometi den fin di siman y riba e acusacionnan haci door di e lider di MEP cu ta e maneho di gobierno actual ta e causa di e crimennan cometi.

HYPOCRESIA versus MANEHO DI CORECCION

Segun Rene Herde', ta hypocrita pa tira culpa riba e gobierno aki pa consecuencia di erornan cometi den pasado. Ta hypocrita pa nenga loke gobierno di MEP a haci y keda sin haci riba tereno socio-economico y di husticia pa ocho aña largo, mientras cu bo sa cu e decisionnan tuma e tempo ey, ta e causa di e situacion di awe. Ora e lider di MEP bisa cu awe falta di polis, e mester bisa tambe cu e motibo ta cu gobierno di MEP a stop e estudio di polis pa dos aña. Ora e lider di MEP bisa cu pobresa ta e causa di tur e maldad, e mester reconoce cu ta e gobierno di MEP a causa mas pobresa cu nunca antes na Aruba, door di e medidanan riba pueblo. Medida manera e BBO, aumento di prijs di tur sorto di permiso y documento, aumento di prijs di awa y coriente cu 250% y hopi mas. Apesar di tur grito di pueblo na 2006 cu costo di bida ya caba tabata insoportabel, MEP a impone e BBO y ranca mas placa di saco di pueblo, pa haya mas placa pa gasta. E placa aki no a bay bek pa pueblo den ningun forma. Ora e lider di MEP bisa cu tin mucho arma ilegal riba caya, e mester reconoce tambe cu ta net su gobierno a duna permiso pa masha hopi hende carga arma. Ta gobierno di MEP mes a purba hustifica e partimento di permiso pa carga arma, door di bisa cu tin mucho menasa pa nan bida e tempo ey. Ora e lider di MEP bisa cu nos fronteranan no ta wordo controla pa entrada di ilegalnan y arma, e mester reconoce cu ta su gobierno a kita e authoridad di polis y pone esaki den man di un grupo cu e minister mes a crea y cu hopi hende cu no tabata tin e formacion y authoridad pa actua.

Rene Herde': "Loke gobierno di AVP ta haciendo for di 2009 ora ela asumi gobernacion, ta corrigi tur e erornan cometi durante di ocho aña di MEP. A pone tur autoridad pa proteha nos costa y pa actua contra ilegalidad, bek serca polis. A corta e medida di BBO y a duna mamanan soltera, muchanan di scol, trahadornan cu salario mas abou y pensionadonan, mehoracion di nan salario. A drecha barionan pa preveni mas decadencia. Lamentabelmente por corrigi e erornan den maneho, pero no e consecuencia di e mal maneho di ocho aña. E consecuencianan ta e hobennan cu a cay den criminalidad, pasobra a hinca nan famia den pobresa y no a duna e hobennan di riesgo niun oportunidad pa un miho bida. E consecuencianan ta cu cuerpo di polis a wordo debilita y instrumentonan moderno pa preveni crimennan a wordo nenga. Polis mester a warda te 2011 bou gobierno di AVP, pa haya e authoridad pa actua preventivo den forma efectivo. Mare por a cambia pasado, pa evita e dolor cu e actonan tristo ta causa. Mare nos por a cambia pasado pa evita perdida di bida y evita cu e hobennan envolvi a bay riba e mal caminda. Si tabata por nos lo a haci'e ! "

Comentarionan (14)Add Comment
the truth
July 07, 2013
201.229.60.128
Votes: +0
...

rene herde, GET REAL

str
July 04, 2013
84.85.56.241
Votes: +0
...

Magalie bo tin rason!ora baca hoga nan ta bin enfenta cos mane tur cos ta oke

gucci
July 04, 2013
190.88.212.28
Votes: +7
...

OMG awo boso kier c*lpa MEP pa e subida di criminalidad? Kiko boso a hasi 4 anja den gobierno, uit je neus peuteren?? Pa spek en bonen boso ta cobra pueblo salarionan gigantesco. Baha pa caba y laga otro cu si por combati criminalidad, drecha nos economia, drecha finanzas publico y problemanan social. Nos kier un bida trankil cu nos por afford y e no mester ta 5*!!!

De Spiegel
July 04, 2013
201.229.16.75
Votes: +5
...

Baba, bo ta "Ridic*lo"!!!!!!!!!!!!!!

atrobe
July 04, 2013
193.213.87.103
Votes: +3
...

Baba wak ban ta serio ta hende grandi nos ta. Ora bo hanja un route cause e ta pa bo mehora e situation. Mi ta bay ta honesto mi ta AVP pero mi ta rubiano prome. E idea mester ta con nos por hasi aruba nos pais lo mas safe posibel. Criminal nan semper ta bay tei mester busca un solucion pa e problema actual. Lemai c*lpa MEP of ken cu por ta i mustra cu bo a hasi algo. Polis ta hasiendo un tremendo trabow pero e ley tin limita den various aspecto. Mi no ta bisa cu boso no a hasi nada pero semper tin room for improvement. Baba loque a pasa caba bo no lo por drecha esei ta hasta den lei di dios pero loque bo ta demostra cu bo lo of ta soluciona esei ta conta den wowo di dios.

bobob
July 04, 2013
201.229.37.231
Votes: +8
...

pakiko nos a eligi boso anto?

papitico
July 04, 2013
209.88.128.20
Votes: +7
...

magalie bo tin hopi razon , berdad tur cos ta gobierno anterior pero boso no a hasi nada nada pa cu e robonan joyriding tiroteo mata hende chollernan atraco ariba turistanan. ta bon e storia di pinocho no ta berdad ta storia eta , si ta berdad anto hopi tempo caba boso a trompika riba boso nanishi, pero un cos boso no tin cuerro di cara i ni berguensa esnan bobo ta kere boso smilies/grin.gif

magalie
July 04, 2013
201.229.117.167
Votes: +9
...

diekon den tres anja bo no a papia esei.awo ku e baga a hoga . ie ta den porta die elecsion .awo bo ker bien tiera kulp arieba otro.stop die bo ker tuma hende hasie.bai djakie .

REAPER
July 04, 2013
201.229.29.195
Votes: +11
...

Baba ta Bobo!

Refresca memoria di Barbaridad
July 04, 2013
201.229.83.186
Votes: +8
...

‘hij blaat net als zijn bijnaam Baba’ en ‘op een One Happy Island kan blijkbaar iemand zo debiel als hij dicteren in het onderwijs’, gebruikte Latham voor de pers.
“Ik ben niet afhankelijk van hem of de politiek, zoals velen hier wel zijn. Die zijn bang. U denkt toch niet dat degene de volgende dag nog een baan heeft met een baas als Herdé en ook anderen, bij het uitspreken van een toespraak zoals ik heb gedaan.”

George Orwell
July 04, 2013
201.229.19.5
Votes: +21
...

Ponencia no ta klop y ta sin base. Ta tempo pa exigi di politiconan pa asumi nan responsabilidad pa cu e pueblo. Facil pa lansa ponencia sin tin cifras pa back up esaki nan. Di locual sr. Herde ta trece dilanti, den un otro palabra, tur crimennan cometi durante gobernacion di MEP, ta ta a consecuencia di e gobernacion di AVP (Henny).
Pone cifra pa asina pueblo por compara y no djis lansa ponencia den laira.

... Low-rated comment [Show]
Francisca
July 03, 2013
190.104.99.246
Votes: +12
...

Ok, tur e bla, bla, bla mester stop y cuminsa haci cambio. No keda keha di d**or sin busca tratamento. Ta hopi baca a hoga caba. Y pakiko ley cu supuestmente tey no ta wordu ehecuta?

Aruba1
July 03, 2013
98.83.121.195
Votes: +20
...

Den otro palabra, AVP no por hasi net nada pa corigi pasado. Mas bien, kiko cu pasa den presente ta error cu a surgi ora oposicion tawata goberna. Nami bisa algo, pa tristo pa wak un gobierno, cu hendenan educa, cu ta grita yora y ta asina ocupa ta biba den pasado. Porfavor, boso ta biba den pasado y boso ta bobo. Pa AVP = "Nunca bo por mehora si den presente bo no por wak un futuro"

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter