Wednesday, 26 November 2014
Minister Dr. Richard Visser: Aunke sclavitud a wordo aboli ainda tin formanan di sclavitud moderno Print E-mail
Wednesday, 03 July 2013 18:38
Comparti

IMG 7922

Dialuna a conmemora 150 aña cu Reino Hulandes a aboli sclavitud. Minister di Salubridad Publico Dr. Richard Visser a expresa cu esaki ta un momento importante ya cu sclavitud no a caba y awendia tin diferente forma di sclavitud.

“No mester lubida cu hopi di nos tin e parti di sclavitud den nos mente. Eynan ainda tin hopi trabao di haci. Nos mester recorda e dia di awe y tur aña pa asina recorda nos herencia, pero esaki ta un estimulo pa nos libera nos mente mas y mas”, e mandatario a manifesta. E tipo di sclavitud moderno ta wordo mira den forma di drogadiccion, prostitucion forsa, traficacion di hende, entre otro. Segun Minister Visser esaki tin efecto riba salubridad publico den e sentido cu ta trece cune malesanan transmisibel, malesanan mental y fisico. E efectonan ta hopi grandi y hopi hende posiblemente no sa di dje, el a subraya. Banda di esaki, Jayburtt Dijkhoff, hurista na Departamento di Salubridad Publico, durante e ceremonia aki a trece dilanti un discurso pa conscientisa e comunidad encuanto sclavitud, cual awendia ta un acto ilegal. “Aunke sclavitud ta ilegal aworaki na Aruba, ainda tin formanan di sclavitud moderno ta andando. E ta entre otro traficacion di hende. E ta e tercer industria di crimen mas grandi na mundo”, el a bisa. Departamento di Salubridad Publico ta para keto un rato y enfoca riba tur e formanan di sclavitud moderno pa asina conscientisa pueblo. Mester tira un bista riba e casonan di prostitucion forsa, cheap labor, cual tambe ta un otro forma y tambe adiccionnan. No tin cifranan oficial pa motibo cu sclavitud moderno ta hopi dificil pa haya datonan concreto. E ta sosode den forma ilegal y pa e motibo aki ta dificil pa haya datonan, Jayburtt Dijkhoff a splica. Finalmente, Jurette Croes, di e departamento di Informacion y Maneho di DESPA a duna di conoce cu e evento aki realisa na Departamento di Salubridad Publico a enfoca mas riba e parti di historia y a bay bek na e situacion di e catibonan. Sinembargo, e sclavitud moderno di cual a papia riba dje ta keda un punto di preocupacion, y pesey kier a conscientisa e comunidad riba e parti aki, el a splica.

album album album
album album  

Comparti
Comentarionan (1)Add Comment
analyticus
July 03, 2013
201.229.11.134
Votes: +2
...

Esclavitud a keda, djis awo e ta acepta sin cu e esclavo nan mes sa.
Ki bal di chikito bo ta wordo bisa pa bo haci bo best sinja duro pa asina bo haya un bon diploma y e dia a yega cu bo a haya bo masters en alles pa despues bo prepara paga e debe grandi cu bo tin na studie, paga debe di traha cas, paga debe si ba cumpra auto...jammer awo na mundo tur cos ta material, pasobra si mundo tabata menos material, bida lo tabata mihor.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter