Thursday, 27 November 2014
Gobierno a gasta placa pa loco cu proyecto di tram y PDR no ta aproba esaki Print E-mail
Wednesday, 03 July 2013 18:11
Comparti

Andin Bikker006

Den conferencia semanal di partido Democracia Real, Andin Bikker a bisa cu gobierno a gasta placa grandemente den e tram, trolly of streetcar comokiera cu kier yame. Segun Andin Bikker e proyecto aki ta costa en total 29 miyon florin, e tram so.

E suma aki parti den 15 miyon pa 5 anja, 1 miyon pa e anja aki, 3 miyon pa explotacion, 100.000 fls pa mantencion, sin conta aden e kibramento di caminda, retraso den e construccion, y cu di 90 comerciante 15 a sera nan tienda y otronan ta lucha pa tene nan cabes riba awa. Bikker ta kere cu gobierno di Aruba por a sigui ehemplo di Maastricht caminda nan no a kibra caya pero a bin cu un zone tram, cu ta core riba wheel y ta costa US$ 275.000 so. E tramnan cu gobierno a busca cu ta 4 ta costa cada un 1.777 miyon pero si gobierno a kies pa esnan manera na Maastricht nan lo a sali hopi mas barata pasobra nan ta core riba taira, ta recarga nan mes, y no mester a molestia e comerciantenan cu pa casi 4 aña a keda sin entrada y gobierno no kier a compensa nan tampoco, manera na Hulanda cu tin un ley di compensacion ora comerciantenan ta wordo afecta pa mas cu 6 luna cu trabaonan di obranan publico. PDR a propone un ley pa esaki pero gobierno no a tume. Den otro ley pa trata e budget di DOW pa infrastructura cu ta 10 miyon florin, ta mustra cu apenas algun poco caya a ser asfalta mientras cu tin 167 caya cu no a wordo asfalta y cu ta necesario. El a bolbe bisa cu si gobierno a sigui ehemplo di Maastricht y a studia e proyecto y a busca un par di zone tram, cu un gasto hopi chikito, tambe a duna e atraccion green economy y placa lo a yega pa drecha e cayanan, school, y hopi cos mas. Segun Bikker gobierno ta gastando placa pa loco mientras cu Banco Central ta bisa cu pa 2016 e deficit lo alcanza 6 biyon kiermen un debe impagable pero nan ta critica esun cu bisa algo manera cu nan ta haciendo un tremendo trabao. Segun Bikker gobierno tin e custumber di gasta e placa y bin pidi aprobacion despues, y esey ta e caso di e 29 miyon florin aki y PDR no por bay na acuerdo cu esaki pasobra pueblo a apunta nan como nan representante pa controla e gastonan di gobierno. Manera di ehecuta esaki no ta manera pa goberna nos pais y tampoco ta refleha democracia parlamentario.

Comentarionan (5)Add Comment
gucci
July 04, 2013
190.88.212.28
Votes: +1
...

Bo a mira e lista di F&F di AVP. E lista a sali porfin! Bai lese y mi tin sigur cu bo lo kita bo bril berde. E tram no tin function y ta overbodig, plaka benta afo! Turista ta core den tur sorto di tram na nan pais. Ta mane cu boso ta biba bow baranca y nunca a mira un tram den boso bida. E turista cu baha di un crusera kier cana shop, nan no ta interesa den core den tram! Pesei e tram te ainda ta core bashi of no ta core mes!

chabe
July 04, 2013
81.68.123.223
Votes: +0
...

Alo menos e no a bay riba buki banko di F&F. Tur dia bo ta mire ta core. F&F ta cobra tur luna plaka di pueblo na huur di edeficionan cu MEP cu firma di Booshi Wever.Mijones cu e pueblo lo no mira nunca mas.Sa biba dushi riba custia di pueblo.Abogadonan sin berguensa nan ta.

chabe
July 04, 2013
81.68.123.223
Votes: +1
...

110 punta Randolf, bon bisa

Randolf
July 03, 2013
201.229.11.123
Votes: +2
...

Andin, abo tawata tin otro idea pa trece e turista den caya grandi? Bo ta para critica pa duna compesacion na commerciante pero esey no ta yuda aumenta nan bent y asina manetene nan empleado nan. Si tin comerciante cu a sobrevivi y ta content cu e proyecto aki dicon abo si no ta ni presenta un solucion a largo plazo nan y bin cu un proposicion pa haci caya grandi atractivo pa cana aden? E tipo di actitud estilo mucha malcria no t contribuyendo na nada positive pa e comerciante nan sino bo unico meta ta hunga politica barata y manipula informacion. Otro falta di seriedad y madurez. Ora bo ta incompetente pa ta bin cu un inovativo pa boost bo ta gara tende na interes propio keriendo cu esey lo yuda bo gana voto mientras actualmente pueblo mes ta disfrutando di caya grandi.

ban serio
July 03, 2013
201.229.9.184
Votes: +0
...

pdr CELEBRANDO SU ultimo LUNANAN DI EXISTENCIA JAMMER!!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter