Saturday, 20 September 2014
Parlamentario Arondino Croes: Sector di construccion di Aruba ta pasando den momentonan dificil Print E-mail
Wednesday, 03 July 2013 17:55

arondino2222

Aruba tin un economia pega y tin varios sector den nos comunidad cu no ta conoce un desaroyo positivo. Parlamentario Arondino Croes a bisa cu e sector di contratista actualmente tin hopi hende sin trabao.

Tin problema hopi serio den comunidad caminda cu e personanan aki no tin un forma pa mantene nan famia na un manera corecto. Parlamentario Arondino Croes a bisa cu hopi hende cu a traha pa anjanan largo a opera nan companianan di construccion, pero awe a cera nan companianan paso no tin trabao den e sector aki. Hopi hende pues ta na cas sin trabao y no por sostene nan mes. Peticionan pa construccion Den Parlamento Parlamentario Arondino Croes a haci pregunta na Minister Sevinger caminda cu Minister Sevinger a bisa cu den anjanan cu gobierno Oduber tabata tin un averahe di 1000 pa 1500 peticion pa construccion di cas y awor aki den gobernacion di AVP e lo baha na 900. E cifranan aki ta confirma di loke Parlamentario Arondino Croes ta papiando di dje, esta cu construcion a bai atras. Indicador Economico Según Parlamentario Arondino Croes construccion ta e prome fuente di senjal di e rumbo di un economia y cu tin hopi hende ta elabora den dje. Cu construccion a cai atrás ta indicacion cu nos economia no ta bayendo bon cu tur su consequencianan. E fundeshi di economia ta zwak actualmente. MEP ta trahando un plan economico pa ora MEP drenta gobernacion fin di anja por traha rapido riba un recuperacion economico. Parlamentario Arondino Croes ta di pensamento cu mester bin cu un estimulo pa e sector di construccion tambe y percura pa mas cupo di trabao den construccion.

Comentarionan (5)Add Comment
Rasmijn
July 04, 2013
84.106.121.102
Votes: -1
...

Puntra minister ta unda kos ta bai asina bon na Aruba.Trece sifras cuanto hende sin trabau of prociento

ban ta serio si!!!
July 04, 2013
201.229.73.98
Votes: +1
...

Ma bon ta nada cu AVP hasi segun MEP, ta bon . Desesperashon ta pone e hendenan aki papia yen di coi loco. Ban ta serio si, mester cuminsa admiti si cu AVP a hasi un bon trabow....

Randolf
July 03, 2013
201.229.31.134
Votes: +2
...

Diripente Dino a bira un experto ariba tur tereno pero experto pa punta dede pasobra solucion e no tin pa nada. Experto cu no por ni presenta un solucion realistico ta mescos cu 0,0 pasobra e abilidad mes ta falta anto con un persoa asina ta kere cu e lo por maneha un responsabilidad of kere cu pueblo lo por confi'e cu placa di pueblo pasobra e lo gasta placa di pueblo pa señala pero 0 solucion.

blahblah3
July 03, 2013
201.229.86.220
Votes: +0
...

e ta hopi positivo mes! STOP DI ROSA MONDI

ban serio
July 03, 2013
201.229.9.184
Votes: +6
...

Momentonan dificil ta tempo cierto "CONTRATISTA" No TAWATA PAGA SU TRAJADORNAN!! Ken a gana e CAS????

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter