Tuesday, 22 July 2014
Minister Oduber lo financia di dos fase di Linear Park a traves di fondo TPEF Vision di e mandatario ta pa sigui haci esaki un atraccion pa local y bishitante Print E-mail
Wednesday, 03 July 2013 17:41

LPF2

Minister Otmar Oduber ta sumamente contento di por anuncia cu e di dos fase di Linear Park ta cla pa cuminsa, continuando cu e vision di sigui haci esaki un atraccion pa local y bishitante. E construccion di e di dos fase ta bay wordo financia dor di Minister Oduber a traves di fondo di Tourism Product Enhancement Fund (TPEF).

Na e momentonan aki ta cientos di persona ta disfruta di e facilidadnan cu Linear Park fase uno ta ofrece. Tur hende cu pasa eynan por mira specialmente den oranan di atardi/anochi un cantidad grandi di persona ta ehercita a lo largo di e Linear Park, mientras cu por mira famianan ta pasa un dushi tempo cu otro riba Plaza Turismo. Amigonan ta topa otro, hobennan ta recrea, turistanan ta interactua cu nos hedenan, esey ta e vision cu Minister Otmar Oduber tabatin y awor e la bira realidad. Awor ta asina leu cu tur cos ta cla pa inicia trabounan pa e di dos fase di Linear Park cu lo bay for di rotonde di Las Americas te na e kazerne di bomberonan banda di aeropuerto. E di dos fase lo ta un continuacion di e promer fase caminda cu lo tin fietspad y voetpad, lugar amplio di parkeo caminda e dos miradornan ta ubica actualmente, cual por cierto lo wordo embeyece cu vegetacion adicional y bankinan pa sinta, siguiendo e concepto di e promer fase. Mester menciona cu e vegetacion existente lo wordo preserva, manteniendo asina nos flora tipico di nos isla. Minister Otmar Oduber ta indica cu na momento cu Linear Park keda completamente finaliza e lo bira e linear park mas largo di Caribe cu un total di 10 miya cuminsando for di aeropuerto te Arashi. Importancia di un proyecto asina ta cu e ta eleva grandemente e imagen di Producto Awor for di momento cu turistanan yega nos isla nan por ripara e cambionan grandi cu ta tumando lugar, e mehoracion di nos Producto Aruba cu ta beneficia no solamente e bishitantenan pero nos mesun hendenan tambe. Esey ta e base di e proyecto di Linear Park, mehora nos producto pa tanto local como turista por disfruta y haci uso di dje. “Promer fase ta cla, di dos fase lo cuminsa dentro di poco tempo y despues nos lo continua cu e siguiente fasenan te ora nos finalice por completo. Mi ta hopi orguyoso di por mira e resultadonan y mi ta sigur cu e desaroyo di e siguiente fasenan lo laga cada un di nos sinti nos mes orguyoso di por conta cu un Linear Park di e caliber aki”, Minister Otmar Oduber a duna di conoce.

Comentarionan (2)Add Comment
or questions anyone?
July 04, 2013
201.229.77.173
Votes: -4
...

Arubianonan habri wowo. MEP a crea e supuesto felicidad yama "BBO" pa nos tur. Aki ta caminda e plaka ta somenta for di nos bista. MEP a hinka plaka den F&F? Unda Nel a keda? Un ta su partido e ta? Ojo con esos cucarachas. Plaka ta manera sneeuw den solo dilanti e hendenan aki.

Comment
July 03, 2013
201.229.67.89
Votes: +10
...

Arubianonan habri wowo. Minister ta crea supuesto "fondonan" pa tur cos. Aki ta caminda e plaka ta somenta for di nos bista. Otmar ta usa plaka di "funds" pa hinka den Linear Park? Unda Benny Sievinger a keda? No ta su ministerio esey ta? Ojo con estas ratas! Plaka ta manera salo den awa serka e hendenan aki.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter