Thursday, 24 April 2014
Minister Michelle Hooyboer-Winklaar a ricibi prome edicion Historia Oral: Ta historia di pueblo Print E-mail
Monday, 24 June 2013 16:05
DSC_2063
Den presencia di por lo menos dos baluarte di nos cultura, Padu Lampe y Lio Booi, a haci entrega oficial di e buki “Historia Oral: Ta historia di pueblo” na Minister Michelle Hooyboer-Winklaar di Asuntonan Economico, Asuntonan Social y di Cultura.

E publicacion riba su mes ta algo historico, pero ta pa conta nos parti di nos mesun historia cu nos no a documenta nunca.

Ta trata aki di un proyecto cu a cuminsa for di aña 2010 caba, bou di encargo di Departamento di Cultura, specificamente e seccion di investigacion y documentacion. A inicia e proyecto aki cu un partner di Corsou, esta Rene Rosalia, kende tambe a haci masha den pasado riba tereno cultural cu nos isla. Pa por duna esaki un toke mas profesional, den forma di un publicacion, a acerca UNOCA pa duna sosten financiero na e proyecto special aki.

Banda di Departamento di Cultura, e proyecto lo no tabata posibel sin e sosten incondicional di Universidad di Aruba, den persona di Ruby Eckmeyer y Shailiny Tromp-Lee. Hunto nan a encabesa e ekipo cu a realisa e proyecto aki, cu sin duda tin hopi balor pa nos historia cultural.

Den e proyecto specifico aki a haci uzo di hopi boluntario pa por a haci e parti di investigacion, den cual tabata buscando pa haya sa mas di nos historia oral. For di esunnan cu conoce nos historia miho, a purba di haya un bon bista riba con Aruba tabata hopi aña pasa, pero specialmente kier a haya claridad riba loke nunca a wordo documenta, loke ta nan mes ta yama "expedicion rescate".

E meta di e grupo tabata pa rescata parti di nos historia, dor di documenta loke nos sa for di esunnan na bida ainda pero cu a biba e momentonan importante ey, cu si ta corda acontecimientonan, cu ta sa mas di nos tradicionnan, etc.

Mester menciona cu a tene cuenta tambe cu e parti visual, pa cual a compila varios potret di e tempo aya pa asina por conta e storianan miho.

"E trabou ta fantastico. Esaki ta no solamente importante bou di e capa di cultura, sino pa henter Aruba, pasobra asina nos por sigura cu tur loke a wordo investiga y documenta lo keda eynan pa e futuro generacion. Esey ta importante pa nos cultura, no solamente pa nos sa kico e ta pero pa pone den un forma mas cientifico", asina Minister Michelle Hooyboer-Winklaar a duna di conoce na momento di ricibi e prome edicion di e publicacion.

dowers dowers dowers
dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter