Friday, 25 July 2014
Minister President Eman: Leynan fiscal ta un contribucion grandi pa pilar economico nobo y mas y miho empleo Print E-mail
Sunday, 23 June 2013 22:44

mike acuerdo

E reformanan aki ta duna un empuhe na economia di Aruba, duna un estimulo special na desaroyo economico na San Nicolas y crea expansion y oportunidadnan pa Zona Liber por reforsa su posicion competitivo den mundo di zonanan liber. Basa riba un cantidad di otro cambionan di ley tambe, fortifica e posicion di ciudadano y consumidor riba diferente tereno, por ehempel reduccionnan amplio riba temanan pa pensionadonan por conoce un extra ouderenaftrek, pa nos grandi nan por keda cu un parti mas substancial di nan entrada y cay den un categoria cu menos peso di impuesto.

Despues di e firma e acuerdo di reformanan fiscal den Dialogo Social fin di aña pasa a acorda tambe cu ta apunta un cantidad di expertonan pa bay traha y produci e leynan, cambionan di ley y maneho nobo basa riba e acuerdonan aki. E expertonan aki cada uno a representa e diferente gremionan participante den e Dialogo Social cu a trata e tema di gran importancia aki pa Aruba su economia. Segun Prome Minister, "E expertonan a representa gremionan sindical, comercial y gobierno y esnan cu a representa e sectornan di e diferente instancianan aki y awe nos a yega na un documento cu Minister di Finanzas ta bay publica cu ta bay yama e 'Begunstigingsregeling', locual kiermen cu e cambionan aki ta un adelanto y ta na fabor di esun cu ta paga impuesto." Banda di tur esaki, e creacion di un di tres pilar economico basa riba conocemento ta hopi halto riba agenda di esnan cu a traha riba e reformanan fiscal. 'Gateway Aruba' ta un concepto cu a cuminsa desaroya algun aña atras. Aruba mei mei di e continentenan gigante, America y Europa, por beneficia grandemente di e comercio entre e dos continentenan aki. E crecemento economico di continente Americano, specificamente e parti Latino Americano, ta premira un crecemento substancial den nan actividad economico den e añanan nos dilanti. E distancia, falta di conocemento di idioma, cultura di e hendenan entre e dos economianan aki ta hopi grandi. P'esey Hubnan, manera Aruba, por beneficia di e falta di conocemento mutuo entre paisnan di Europeo y Americano. Aruba ta parti di Reino y tambe un pais Europeo, y consecuentemente ta ofrece un estado di derecho stabil, un luga excelente pa haci negoshi, hendenan amabel y cu bon educacion, cu adicionalmente tin conocemento cultural y idiomatico di tur dos banda di oceano Atlantico. Tur esaki ta trece cu ne, un potencial hopi grandi pa mas empleo, pero tambe miho empleo. "E di tres pilar economico cu ta basa riba conocemento cu nos kier desaroya pa Aruba, e estimulo pa San Nicolas por conoce un desaroyo economico nobo, e posibilidadnan pa loke ta trata comercio en general na Aruba por ta mas competitivo den nos region, tur ta bay conoce un adelanto grandi cu e reforma fiscal cu nos ta introduci aki."

Comentarionan (1)Add Comment
daniel1
June 24, 2013
201.229.9.108
Votes: -4
...

Aruba tin e belasting di mas halto na mundo. Penshonado mester paga 0 belasting ariba penshoen di behez!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter