Tuesday, 25 November 2014
Alan Howell: Habitantenan di Mabon ta super feliz Print E-mail
Sunday, 23 June 2013 21:48
Comparti

alan howell

Pa añanan largo habitante nan di Mabon tabata sclama pa luz den bario. A purba di tur sorto di forma pa logra hanja luz den bario pero sin resultado positivo. Habitantenan a bai asina leuw den pasado pa colecta firma pero esei tampoko no a juda. Tambe a lanta un comishon di bario bow di liderasco di Sra. Astrid Vries. E comishon aki ta traha tambe incansabel pa e bario.

Alan Howell ku a lanta foi chiquito den e bario a hanja e luz berde di su hendenan den bario pa por representa nan y papia ku e gobierno existente pa tokante di Luz den bario. Alan Howell a sinta algun luna pasa na diferente ocashon ku Minister president Sr. Mike Eman y a confirma Majoor Howell ku luz ta na caminda pero mester carga pasenshi. Alan Howell den combersashon tambe ku minister Zievinger y minister de MEZA a declara ku nan tambe a compronde e precupashon di e habitantenan y a priminti Alan Howell ku Mabon lo no keda den scuridad. Siman pasa diaranson dia 19 juni habitantenan a hera kai den shock ora di mira ku un sonjo di anjanan largo a bira realidad. Minister President den halto ta sendiendo e prome luz na e palo di luz den bario di Mabon. Kizas ora ku hopi a kere ta tres palo di Luz so a wordu sendi e dia di inauguracion, diadomingo 23 juni bario di mabon a lanta mainta ku Luz den full full e bario. Habitantenan a bira loko y a cuminsa hasi chansa y bisa “esaki ta bon trabow.” Segun major Howell ku Mabon a hanja Luz no solamente ta eleva e bida di e habitantenan pero ta trese un seguridad totaal tambe. Como polis y recherche y como sub fiscal pa hopi anja den Cuerpo Policial, major Alan Howell, ta experenia y ta di opinion ku tur bario mester tin luz .Tin hopi habitante ta kana bin kas despues di trabow of skol y mester kana den scuridad. Ku sigur no ta un bon sintimiento y inaceptable. Malechor nan ta pensa dos biaha pa hasi nan fechoria ora un bario ta ilumina. Bario di mabon ta confrontando algun ladronicia di kas, pero Alan Howell kier a sigura e habitantenan ku tin remedi pa e ladronan aki tambe pronto. Asina mabon lo ta sigur un bario ku ordu, respect y dushi pa kada un habitante por biba manera mester ta. Major Alan Howell den calidad di representante di bario kier a gradisi minister president y su gabinete den nomber di habitantenan di mabon pa iluminacion y restaura un trankilad bek den Bario.

Comparti
Comentarionan (6)Add Comment
bo sa caba
June 25, 2013
201.229.35.64
Votes: +0
...

Bon trabou meneer Mayor Howell i Ahinda falta

Yuuup
June 24, 2013
74.82.64.17
Votes: +3
...

Bon trabow sigur Howel. Mita sigur cu si twt e otro gobierno na mando lo nan a bisabo cu NO paso no tin placa, pa f&f so twt tin cu nos tur conoce caba. Awo si nos tin un gobierno cu ta cumpli cu su obligashon nan pa cu pueblo, cos cu antes bo nota mira mes, awe nos ta mira nan. Nos ta sigur di tende y mira con e barionan cu pa anjas a ser laga un banda, awe ta mira un lus na horizonte. Bon trabow y ainda falta.

daniel1
June 24, 2013
201.229.9.108
Votes: +0
...

Mi ta spera boso ta hopi contento cu e deficit y debe grandi cu nos tin cu bai paga bek. Boso lo ta hopi contento cu criminalidad a subi pobresa y werkeloosheid tambe. Tambe cu Valero a sera y nos tin un GDP di 69% awe. Tambe hopi contento cu S&P y IMF a downgrade e maneho di e gobierno actual. Sigi cu e bon trabow y nos tur lo sink hunto.

Kas Paloma/Parkietenbso
June 24, 2013
201.229.2.79
Votes: +6
...

Mike y Dowers, halo halo !!!!
Ki dia Kas Paloma y Parkietenbos ta haya nan luz banda di caminda lanti Dump bay pariba y bay p'abao ??
Esaki ta un di e prome camindanan cu pa añas ta wordo usa pa cana etc
y te awe no tin luz. A roga Mike den reunion di Bario y a manda peticion pa Min. Dowers pero te awe nada !!! Tur otro barionan ta hayando luz pero nos di Kas Paloma y Parkietenbos no ta conta ??

Foxy lady
June 24, 2013
201.229.91.201
Votes: -3
...

Hey Howell no bin play huy grandi y bisa cu bo a papia cu Ministernan etc etc esey no ta impreshona ningun hende. Bo imagen no ta mucho cos di gaba, bo ta corda foxy lady bar? ken tawata tapa pa e guy donjo ey y laga lugar keda hobri etc etc. Si bo tin manteca riba bo cabes, mihor bo keda den sombra!!! Paso ora MEP hanja bo berdad nan ta skeer bo foi otro

salvatore del pietro
June 24, 2013
173.255.188.2
Votes: +6
...

Danki cu Ministro Dowers, e ministro competente bao cual e parti aki ta cai, a duna ok pa DTI laga ELMAR pone e lusnan den Mabon. Y mi ta spera AVP no pone hende cu ta briya pafor y scuridad paden riba lista. Nos mester polis riba caya no riba lista.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter