Saturday, 23 August 2014
Minister Ing. Mike de Meza: Atencion special pa empuhe economico San Nicolas Print E-mail
Sunday, 23 June 2013 21:49

mikedemeza

E reformanan fiscal presenta pa Prome Minister Eman y Minister di Finanzas de Meza, diabierna ultimo den Sala di Conseho di Minister, den presencia di e representantenan di gremionan sindical, comercial y di gobierno cu a traha riba e reformanan, ta resultado directo di e combersacionnan cu tabata tin den Dialogo Social.

E dialogo tabata trata e ahustenan di e sistema fiscal y na mes momento busca flexibilisacion pa crea ainda mas oportunidad economico pa Aruba y su poblacion. Den e ahustenan fiscal, ta inclui incentivonan pa inversionistanan local y internacional den Freezone Aruba, specialmente den e contexto di 'Gateway Aruba'. Tambe ta bay minimalisa impuesto riba aparatonan cu ta eficiente pa loke ta trata uzo di energia, incluyendo un cantidad amplio incluyendo aparatonan manera airco inverters. E ultimo aki ta bay beneficia Aruba grandemente den e aspecto di "demand-side management" di energia na Aruba. Inclui tambe ta un pakete di stimulacionnan pa e sector turistico, locual lo bay aumenta inversionnan den turismo na Aruba y mehoracion di producto Aruba. E parti di e reformanan cu ta hopi cerca di Minister Mike de Meza su curason ta e zona economico cu e 'reformanan fiscal' aki ta crea pa San Nicolas. "Algo sumamente grandi pa San Nicolas," Minister de Meza a enfatisa, referiendo na e zona economico pa e districto pariba di brug. Gabinete Mike Eman a bin ta implementa y desaroya diferente proyectonan na San Nicolas e ultimo añanan. Inclui den esaki ta ampliacion di e servicio di e hulpbestuurskantoor na San Nicolas, cu ta bay bira un facilidad multifunccional riba su mes. Banda di amplia cierto servicionan a inverti hopi recurso den diferente barionan na San Nicolas. A drecha infrastructura, crea parkenan, parkenan deportivo, a cuminsa drecha downtown San Nicolas, a restaura e Watertoren y ainda tin hopi inversionnan grandi cu ta tumando luga y cu ta bay tuma luga. Un di e inversionnan di mas grandi den historia di Aruba, ora ta papia di infrastructura, ta e 'Green Corridor'. E proyecto aki, cu ta bay crea in infrastructura mas amplio pa conecta Pariba y Pabou di Brug di un manera mucho mas eficiente y tambe na e mesun momento invertiendo tambe den e embeyecimento di e infrastructura. E proyecto aki ta bay beneficia San Nicolas y bisindario sin algun duda, pa motibo cu e ta haci e region mucho mas accesibel pa turistanan, pero tambe tur esnan cu kier inverti na San Nicolas y bisindario. Asina por mira un 'puzzel economico' cu ta fit den otro. E reformanan fiscal, di un banda, ta haci posibel un 'Zona Economico' pa San Nicolas y di otro banda gobierno ta percura pa e infrastructura ta adecua pa e inversionnan na San Nicolas por bira posibel den conhunto cu e 'Zona Economico'. Minister de Meza a enfatisa cu hopi confiansa cu, "pa tur esnan cu pa añanan caba a sostene San Nicolas y ta registra y operando na San Nicolas tambe lo beneficia for di e pakete di estimulo aki. Dus nos ta mira solamente cosnan positivo sigur pa e districto pariba di nos isla."

Comentarionan (1)Add Comment
daniel1
June 24, 2013
201.229.9.108
Votes: +2
...

Esei bo a priminti 4 anja pasa caba. Klinker y verf algun bario a hanja. Bin cu otro pilar di economia pa SN. Freezone, Hotels, Container haven, etc.... NO Tram please!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter