Wednesday, 23 July 2014
Lem Pieters: Tur hende ta beneficia di e acuerdonan fiscal Print E-mail
Sunday, 23 June 2013 20:56

fiscal benefit

Representando gremio sindical, Sr. Pieters tabata miembro di e comision cu partnernan social den Dialogo Social a apunta pa duna contenido na e acuerdo di 9 di november di aña pasa. Representando gremio sindical, Sr. Pieters ta splica cu hopi confiansa cu, "nos ta contento cu por a firma e documento aki pa motibo cu e parti economico ta hopi importante pa un empleado. Si economicamente e doño di trabou ta bay bon, e ora e empleado tambe ta bay bon."

Esaki e ta bisa, mirando e hecho cu reformanan ta hopi amplio y ta mishi cu practicamente tur sector economico riba nos isla. For di pensionadonan cu lo conoce extra ouderenaftrek,kedando asina cu un parti mas substancial di nan entrada den nan man y alabes ta cay den un categoria cu menos peso di impuesto, pa un structura cu ta bay yuda crea inversion economico pa San Nicolas te na posibilidadnan pa reinversion den sector hotelero. "Den e parti di e reformanan caminda ta bay upgrade San Nicolas y turismo ta haya upgrading, nos ta di opinion cu den futuro ora cu e desaroyonan economico aki duna nan crecemento, e ora ey e trahado tambe ta bin na beurt pa su crecemento," Sr. Lem Pieters ta enfatisa, "y nos ta mira hopi importancia den e documento cu nos a firma awe, e 'begunstigendbeleid', pa motibonan puramente economico, pasobra si e economia bay bon, e ta bay bon pa nos tur tambe." Finalisando su entrevista, e la gradici tur cu a coopera den duna contenido na e acuerdonan di Dialogo Social. "Nos di nos banda kier sigui duna nos aporte pa un miho Aruba."

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter