Saturday, 19 April 2014
Greg Peterson: Leynan Fiscal nobo ta duna un empuhe grandi positivo na Zona Liber Print E-mail
Sunday, 23 June 2013 20:28

fiscal empuhe

E reformanan fiscal anuncia recientemente ta cla pa wordo implementa, transformando Aruba su economia uno mucho mas flexibel, innovador y fuerte. Practicamente tur sector economico na Aruba ta beneficia di e reformanan incluyendo e trahado y consumidor en general. Loke ta hopi importante di e reformanan ta e flexibilidad cu nan ta ofrece nos economia.

Antes tabata hopi costoso, por ehempel, pa sector hotelero inverti apropiadamente y regularmente den nan facilidadnan. E reformanan fiscal ta haci esaki hopi mas bentahoso, algo cu tin su bentaha pa e hotel, pero mas importante ainda, pa e calidad di 'destinacion turistico Aruba'. E reformanan ta amplio, percurando pa bentahanan concreto pa pensionadonan te na bentahanan specifico pa economia di San Nicolas. Un di e sectornan economico cu ta wordo beneficia grandemente pa e reformanan fiscal, ta Zona Liber. Director di Freezone Aruba, Greg Peterson, "Nos tin un logro hopi grandi pa Freezone. E producto Freezone a bira awo hopi mas atractivo y hopi mas flexibel." Den su comentarionan despues di e anuncio di e reformanan fiscal presenta den Sala di Conseho di Minister na Bestuurskantoor, Sr. Peterson a splica cu e reformanan tin hopi beneficio pa Freezone, specialmente si tuma na cuenta e rol cu Freezone tin den e di tres pilar economico di Aruba. Gabinete Mike Eman a cuminsa un proyecto algun aña atras pa desaroya un pilar economico basa riba conocemento, haciendo Aruba un Hub entre continentenan Americano y Europeo. Freezone, modelo nobo, tin un rol importante den e proceso di 'Gateway Aruba'. Banda di e rol di Hub pa Aruba, Sr. Peterson ta enfatisa, cu comerciantenan local pensando pa cuminsa haci comercio den direccion di mercadonan regional, Latino of hasta Europeo, tambe por haci uzo di e 'Freezone Modelo Nobo'. E ta haci nan como compania hopi mas competitivo y mas atractivo cu prome. Sr. Peterson a splica cu e trabounan cu e comision apunta pa e partnernan social di Dialogo Social a desplega tabata uno hopi importante. El ta considera e reformanan aki como "un producto hopi amplio pa henter Aruba."

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter