Saturday, 01 November 2014
Andin Bikker: Partido Democracia Real lo bai introduci un reglement van orde nobo pa drecha nivel den parlamento Print E-mail
Friday, 07 June 2013 15:26
DSC_2063
Lider di e partido mr. Andin Bikker ta bisa esaki pasobra canando riba caya y tambe pueblo cu tin canal 46 por ta testigo cu e nivel den parlamento pa hopi aña caba ta bahando riba un nivel inaceptabel.

E partidonan tradicional constantemente cada bez ta bai pidi voto di pueblo y nan ta garantisa pueblo cu ora nan haya e mandato nan lo drecha pa bin cu un nivel den parlamento. Pero sinembargo PDR ta constata cu signatura ta cambia di berde, geel, geel, berde y nada no ta pasa. Fraccion di PDR semper den parlamento a traha na un manera ehemplar y tambe presenta mas proyecto di ley cu varios parlamentario y/of minister sinta awor aki. Tambe a bin cu amiendanan, dus na un manera ehemplar PDR a comporta y tene discusionnan na nivel. Sinembargo ta constata cu esey no ta e caso serca e otro partidonan. PDR a constata esaki for di tempo a drenta parlamento na fin di 2009 na un manera constructivo a pensa con por jega na un solucion constructivo pa drecha e nivel cu tin den parlamento. Fraccion di PDR a constata cu tin hopi cos cu lo por wordo cambia den reglement van orde cu lo conduci y evita hopi di e cosnan cu ta pasando den parlamento.

Un ehempel ta cu den parlamento actual, como un parlamentario e tempo cu tin di papia ta wordo limita, sinembargo ministernan despues di a puntra nan dos pregunta fastioso den cinco minuut, nan por keda elabora nan punto di bista cuater cinco ora si nan kier. Pa lider di PDR esaki no ta den balanse. Otro cos ta cu reunionnan den parlamento ta dura inecesariamente largo caminda e por bai mas efectivo. Tambe fraccion di PDR ta wak, manera un tradicion corre wak si oposicion tey den sala si of no y despues ta corre jama minister pa bin parlamento, y ta e fraccion cu ta sostene gobierno so por sa ki ora un minister ta bin. E sorto di wega politiconan ey tur dos signatura ta usa nan y PDR ta haya cu e cosnan aki ta poco infantil y mester jega na un fin. Den concepto di mr. Andin Bikker, ta Democracia Real ta solucion di e alternativa si kier di berdad jega na un solucion pa hisa e nivel den parlamento. E dos partidonan tradicional a demostra cu nan no por a soluciona esaki constantemente cu nan ta den gobernacion of cu nan tin presidencia di parlamento.

Comentarionan (3)Add Comment
De Waarheid
June 07, 2013
201.229.87.182
Votes: -2
...

Bo sa Aldin un par di anjanan atras ba cominsa hopi bon den pueblo pero awo abo tambe a bira un joke den parlamento.
Con bo por bisa cu bo tai pa pueblo I mescos cu MEP bo ta vota contra tur cos cu gobieno pone riba mesa pa yuda e mesun pueblo.
Tur e seriedad cu bo tbta tin a bai perdi
Ba boi tras di MEP mescos cu un par di anja atras manera Monica I Pader Lampe a hasi.
Nos lo bai mira con abo lo hanja e mesun sla cu e otro dosnan a hanja tambe.
Mi a pensa cu abo lo ta hopi mas sabi cu esaki, poro lastimamente bo lo bai perde hopi vota tambe.
E lo ta un milager si bo logra un asiento, pero sigi vota contra tur cos cu ta bon pa pueblo I wak con lue lo bo jega.

Wichie
June 07, 2013
201.229.85.241
Votes: +7
...

Donsabelotodo atrobe!!!
smilies/cry.gif

Asina mes
June 07, 2013
201.229.35.59
Votes: -3
...

Hopi bon Andin, asina pajasada ta caba den parlamento y ta planta respet!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter