Thursday, 02 October 2014
Minister dr. Richard Visser: Cu PACO Aruba ta lider den motiva y encurasha desaroyonan pa combati obesidad infantil y NCDs Print E-mail
Friday, 07 June 2013 12:31
DSC_2063
Cu e firmanento di e Aruba Call to Action, cual a ricibi apoyo oficial di e representantenan di diferente gobierno regional durante PACO I, e nomber di nos isla a resona te na World Health Organization, cual ta un organisacion cu ta pertenece na Nacionnan Uni.

Esaki a tuma luga apenas tres aña pasa y loke a sigui tabata un reaccion y interes di masha hopi pais pa uni nan mes cu mas entusiasmo y pasion na e lucha contra obesidad, particularmente obesidad infantil y cu esaki den e lucha contra malesanan cronico no transmisibel (NCDs).

Tanto World Health Organization (WHO) como Pan American Health Organization (PAHO) ta trahando pa stimula cambionan den e region Caribense y e continente Americano, pa autoridadnan tuma e pasonan necesario pa cambionan y mehoracionnan di ley, den e sistema di salubridad, agricultura economia y enseñansa, entre otro. Den esaki PACO – Pan American Conference on Obesity) y pues Aruba, como e iniciador y organisador di e conferencia – tin un rol hopi grandi den stimula e cambionan aki cu mester conduci na menos obesidad, menos pashentnan di malesanan cronico cu no ta contagioso y un miho estado di salud pa nos comunidadnan.

Minister di Salubridad y Deporte dr. Richard Visser, como e iniciador di PACO ta hopi orguyoso di e papel sumamente importante cu nos isla chikito ta hungando den e proceso pa haci un diferencia positivo na bienestar general di paisnan di e continente Americano y e region Caribense. PACO III, cual ta tumando luga te cu dia 8 di juni na Westin Resort Aruba, ta unda cu mas di 13 minister y otro representantenan di 25 pais ta reuniendo cu expertonan riba un variedad grandi di tereno cu ta traha diariamente den nan pais y den paisnan rond mundo pa combati obesidad pa medio di diferente metodo.

PACO III ta conta cu 54 orador for di rond mundo, kende ta comparti nan experticio y conocemento riba diferente tereno y asina ta yuda trece coherencia den e proceso pa combati NCDs, cual ta hopi intenso y extenso.

Minister dr. Richard Visser a splica cu na PACO III lo firma dos documento. E prome ta un peticion pa PAHO, pa e organisacion aki institui un plataforma pa trata exclusivamente cu obesidad infantil. E di dos ta e compromiso di PACO pa cuminsa upgrade tur pais cu a conocemento cu nos tin pa combati malesanan cronico no transmisibel pa medio di combati obesidad.

Durante PACO III, dokternan trahando na Aruba a wordo invita pa e workshop special “Exercise is Medicine”. Tambe, maestronan di scol a wordo motiva pa atende lecturanan cu tipnan importante pa crea y promove un medio ambiente cu ta ofrece miho nutricion y mas movecion nan nan scol y asina yuda tambe den e lucha importante contra obesidad pa cual pueblonan rond mundo ta experenciando su efectonan negativo riba salud di hende, pero tambe un impacto masha malo riba e economia di diferente pais.

Minister dr. Richard Visser a bisa cu e dianan aki tin participando na PACO III, ademas di PAHO yWHO, e representantenan di FAO (Food and Agriculture Organization), IOC (International Olympic Committee), Caricom, World Bank, pero tambe e Vice Presidentenan di companianan manera PepsiCo y The Coca Cola Company y e secretario general di Parlatino.

Nacionnan Uni a reconoce e importancia pa combati NCDs pa medio di inclui esaki den nan “millennium goals”.

Pa mas informacion tocante PACO, bishita e website www.paco.aw.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter