Thursday, 18 December 2014
Ley iniciativa pa crea espacionan liber di huma di cigaria Print E-mail
Friday, 19 April 2013 17:34
Comparti

Casino 4 Large

Parlamentario di AVP Marlon Sneek ta trahando riba un ley iniciativa riba prohibicion di humamento den cierto areanan caminda varios persona ta bin hunto. Den un entrevista cu Marlon Sneek el a splica cu e ta reuniendo cu diferente gremio. Tin tres reunion cu a tuma lugar na prome lugar cu ATIA, despues cu AHATA y e ultimo aki cu representantenan di casinonan.

Den e reunionnan cu e gremionan ta saca afo con e ley por afecta nan y kico ta loke mester tene na cuenta ora di traha ley. No ta e idea pa traha un ley cu por trece problema cune, cu un comerciante por bisa cu si ta asina e ta bay stroba su negoshi pa draai y cu trahadornan lo mester perde trabao pasobra e negoshi tin cu cera. Loke kier logra ta un ley pa crea espacionan caminda cu varios hende por bin hunto y caminda cu tin hende ta traha nan por haci esaki na un manera sano cu no ta causa daño na nan salud. Prome cu traha riba e ley iniciativa Sneek a participa den un seminario y a constata cu tin preocupacion cerca algun docter y specialista encuanto humamento y tambe tin trahadornan cu ta labora den areanan caminda por huma cu tambe a mustra preocupa. El a menciona algun compania cu a cuminsa bay den e direccion di prohibi humamento den areanan manera Total Cleaning, Westin Hotel, Dollar Rent a Car, y asina poco poco e asunto aki ta biba den comunidad. El a experiencia den Parlatino na Panama cu tin un ley cu ta prohibi humamento den areanan caminda tin publico ta bin hunto pa asina proteha esnan cu no ta huma. Tambe na Aruba tin organizacionnan particular manera Oduber Agencies cu tin propaganda den television y internet pa fomenta e no humamento y cu ta puntra parlamento via carta ki dia nan ta bin cu un ley pa crea espacionan di no humamento y pa stop cu benta di cigaria den negoshinan na distancia cercano di schoolnan. Ya caba un pensamento asina a bin dilanti tempo cu Mary Wever Lacle tabata parlamentario y door di esey ora el a bira minister conseho di ministernan a tuma e decision cu no ta huma den establecimentonan di gobierno y aunke no tin un ley, a haci acuerdo cu esnan cu ta huma ta bay hacie pafo y esey ta tumando lugar. E idea tras di e ley ta pa yega na un ley cu tin tur ingrediente cu no ta trapa riba dede di otro ni ta stroba otronan di haci negoshi, pero cu por traha riba un mihor ambiente pa nos ciudadanonan por traha y comparti un mihor ambiente. E gremionan a mustra nan preocupacion y nan ta defende nan interes pero mester pensa riba e bienestar comun. Pesey ta bay haci diferente research pa haya un base mas amplio posible pa garantiza cu si un ley asina pasa, e ta bon di tur sin stroba ningun hende.

album album album
album   

Comentarionan (4)Add Comment
BJET
April 20, 2013
84.24.252.133
Votes: +0
...

Nos mester copia tur cos di Hulanda?
Marlon Sneek ta haci coi loco, na Aruba humamento no ta un problema manera na Hulanda unda hende ta echt tur caminda ta huma.
Na Aruba ta un par di hende tin, i tur complex grandi na Aruba tin luga disegna pa huma i no huma. Dus ami no ta wak e problema, ami tin 27anja anto nunca no a haya problema cu esaki, cu exception di restaurant/hotel pero nan ta mandabo den e non smoking area. I den casino te ainda mi no a haya problema, pero e siguente dia si bo ta hole na bo panja.
Marlon por focus riba cos nan mas importante manera criminalidad i prijs di cuminsa enbez di e cos aki. Esaki ta caso perdi, mescos cu e ley pa cacho. Mensen kom nou haci algo cu pueblo mester di dje.

Twin
April 19, 2013
201.229.11.106
Votes: +0
...

Casi tur humado no ta accepta cu nan vicio ta perhudica otro nan salud y ta pensa cu si mi no por cu e huma di sigaria ta ami tin cu bai for di e lugar...pues nan vicio ta hasi nan pensa egoista. Mi ta traha den casino. Ken di cu casino a wordo traha pa humado? E egoista nan humado cu ta pensa cu ta pa nan so casino ta. Na Puerto Rico tin un casino totalmente "non-smoking" cu un revenue hopi halto.

ban serio
April 19, 2013
201.229.25.235
Votes: -4
...

Si mester prohibi humamento de JIMMYS mi NO ta bai mas eyden!!!!

Joonchi
April 19, 2013
201.229.2.224
Votes: -4
...

Na hulanda mes sector di HORECA a y ta sufri hopi cu e medida aki pasobra nan benta nan a bay atras.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter