Wednesday, 30 July 2014
Minister Dowers ta felicita e famia grandi di Sint Annaschool cu nan scol bunita renoba Print E-mail
Friday, 19 April 2013 17:25

group 01

Dialuna mainta e districto di Noord ta di fiesta y for di awo caba Minister Arthur Dowers ta manda un “Masha Pabien!” na e famia grandi di Sint Annaschool cu nan scol bunita renoba. E titular di enseñansa a bishita Sint Annaschool durante e renobacion cu regularidad y cada biaha e tabata expresa su satisfaccion y e impresion positivo cu e tabata haya di e progreso; e trabaonan tabata avansa hopi bon.

E esfuerso cu e team di Sint Annaschool y boluntarionan entusiasma a desplega durante e siman aki pa muda e scol y prepara tur cos pa dialuna lesnan por cuminsa normal ta admirabel, Minister Dowers ta subraya. E conteo retroactivo a cuminsa for di siman pasa, ora cu e alumnonan di Sint Annaschool a bay cas diabierna merdia pa un siman liber pa permiti e mudamento di e materialnan bek pa nan edificio bieu. Pero, loke nan ta bay topa cune dialuna mainta no ta nada bieu, sino un scol mas grandi, cu colornan alegre, completamente renoba y ademas amplia, cu un schoolplein y gymzaal bunita. E siman aki por a mira hopi movecion na e scol, cu maestronan y amigonan di Sint Annaschool yudando cu e mudamento, y container y trucknan riba e tereno di scol mudando e mueble, buki y tantisimo materialnan. E caranan di esnan trahando na Sint Annaschool tabata refleha e energia positivo cu tin nan e scol - contento mainta tempran ora cu nan yega scol y un cansancio cu gran satisfaccion ora cu nan sali atardi. Awe Sint Annaschool ta vibrante, un orguyo pa e districto di Noord y un scol cu ta cumpli cu e vision di Minister Dowers pa cu e infrastructura di nos scolnan: Pa percura pa y contribui na provee luganan sigur, atractivo y cu un ambiente motivante pa duna y tuma les, cu cual maestro, alumno y mayor ta sinti nan mes cu confiansa y comodo.

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter