Friday, 25 April 2014
Parlamentario Andin Bikker: PDR cu mas pregunta na Minister e biaha aki operadornan riba beach Gobierno geel ta duna permiso y gobierno berde ta subi y no ta cumpli Print E-mail
Friday, 19 April 2013 14:48
DSC_2063
Operadornan riba beach tambe ta confronta situacionnan fastioso te cu nan mester a acerca PDR pa mira con por yega na solucionnan mas stabiel pa nan por sigui opera na un manera mas miho. Segun lider di PDR, e operadornan ta un grupo hopi grandi cu na 2009 bao di gobierno di signatura geel a haya permisonan pa opera riba beach y cu e permiso aki lo a acapara tur cos.

Pero ora e gobierno di signatura berde a sinta, nan a haya nan mes confronta cu nan no tin tur permiso apesar cu cada uno tin nan standplaats, pero cada biaha instancianan di gobierno ta bin bisa nan cu nan no tin tur cos regla. E operadornan a topa tres biaha cu instancianan gubernamental pero no a jega na ningun solucion. Pa loke ta e situacion aki lo bai haci pregunta na e minister concerni . Lider di PDR ta haya cu e grupo aki ta uno substancial pasobra na final di dia nan ta duna aporte na nos turismo nan ta biba di turismo y nan tin hopi aña caba. Tin di nan tin mas cu 20 aña operando den e area aki . E operadornan ta lamenta cu nan a haci peticion cu si nan falta mas permiso nan ta dispuesto pa haci esaki adicional, pero gobierno no ta reacciona. Segun mr. Andin Bikker ta un pilar economico Aruba a keda cu ne cu ta turismo y importante cu ta pone pan directa y indirectamente pa tur ciudadano riba mesa aki na Aruba . No ta hustu cu gobierno di un otro signatura ta purba reglamente e situacion riba beach y despues un otro signatura ta subi y no ta cumpli. Mester corda cu un gobierno ta un continua, pais Aruba ta keda pais Aruba no obstante kende ta gobernando. Di parti PDR kier haya claridad riba e situacion aki y lo bai haci pregunta na e minister concerni segun lider di PDR Andin Bikker.

Comentarionan (2)Add Comment
Bounty Hunter
April 21, 2013
201.229.41.102
Votes: +0
...

Don sabelotodo dia cu bo yega na ser un ministro di e pais aki nos ta spera cu abo si lo bin drecha cos pa tur hende manera bo ta pretende. Pero e problema ta cu esey lo ta nunca, nooit, never.

BJET
April 20, 2013
84.24.252.133
Votes: +1
...

Esaki ta typisch Aruba.
AVP no ta sigi cu loke MEP a cuminsa i MEP no ta sigi cu loke AVP a cuminsa.
E partido nan mester habri nan wowo i accepta cu un cambio di gobierno kiermen cambio di e partido(nan) manehando, pero cu gobierno di Aruba ta algo cu ta sigi, ta algo continio. Den mester cumbri cu afsrpaak cu a wordo haci como gobierno di Aruba i no como Gobierno di MEP of AVP

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter