Thursday, 27 November 2014
Parlamentario Andin Bikker: Partido PDR tin hopi pregunta pa minister concerni riba FCCA Print E-mail
Friday, 19 April 2013 14:45
Comparti
DSC_2063
Pa loke ta trata FCCA, miembronan di partido PDR ta haya hopi hende ta bin sede pa mustra nan preocupacion riba maneho di e tabel di FCCA su entrada. Lider di PDR ta splica, cu debi na e situacion economico cu ta andando na pais Aruba hopi persona a perde nan trabao entre otro cierre di refeneria y otro situacionnan cu ta andando.

Hopi di e ciudadanonan aki a acudi na FCCA, informando cu nan no tin e entrada mas cu ta ser calcula pa nan cu ta e contribucion mensual. E personanan aki no a haya oido y despues nan ta haya nan mes confronta cu cartanan di abogado di cual nan no ta haya esaki corecto. Den mesun liñea di pensamento PDR lo bai purba di haya calificacion door di preguntanan cu tin derecho di haci na minister concerni relaciona cu FCCA. Tambe riba mesun rosea PDR ta haya hopi preocupacion di personanan cu tin hopi aña ta wardando riba un cas. Si por compronde, FCCA bao di e gobernacion aki no ta traha ni un cas nobo. Tin cierto proyecto a wordo enbeyece y wordo renoba cu sigur ta di aplaudi, pero proyectonan grandi di cas nobo PDR no por a tuma nota di dje. Riba esaki tambe partido PDR lo bai haci pregunta, kico ta e proyectonan cu a wordo ehecuta, cua ta e proyecto cu ta bai wordo ehecuta, pasobra na final di dia e tarea di e fundacion FCCA ta crea cas popular cu ta pagable pa publico. Lider di PDR ta corda cu un biaha directiva di FCCA a aserca parlamento pa expresa su preocupacion pasobra FCCA ta haya problema pa financia casnan nobo pasobra tin restringcion di Banco Central cu ta pone cu e mester fia placa aki na Aruba y e espacio ey no ta suficiente. Aki na Aruba mester fia na 7% pa despues pone e placa ey fo y riba ki categoria di su tabel e ta bai na 11%. Un institucion financiero cu mester traha cas cu ta fia na 7% ta relativamente caro. E preguntanan cu lo haci e ministro, si e preocupacion aki cu personanan cu a perde nan trabao pa loke ta trata e tabel, con esaki ta hinca den otro, si no tin flexibilidad pa tene cuenta cu e personanan cu a perde nan trabao. E di dos pregunta lo ta cuanto cas a traha desde 2009 bin ariba y cuanto tin pa wordo traha? E di tres pregunta si tin un restringcion cu mester fia aki na Aruba y no por haya aceso na fondo mas barata cu esey por ta un obstaculo pa FCCA cumpli cu su tarea primordial di traha casnan pagable pa pueblo.

Comentarionan (2)Add Comment
Bounty Hunter
April 22, 2013
201.229.28.48
Votes: +0
...

Bo por conta cu e proximo resultado di eleccion pa bo partido (Yo y Mi Partido) lo ta mescos cu di ex pastor marihuanero cu ta mira pitufo.

Randolf
April 19, 2013
201.229.11.49
Votes: -1
...

Andin bo ta biba na Aruba of no? Bo mester por sa con FCCA a bira 3 aña pasa ora cu gobierno kier a restructura e departamento aki y cuanto contra tiempo nan a haya pasobra no ta for di awor aki FCCA ta funciona manera un realestate cu e meta pa gana placa y tambe nan hypotheca ta mas halto cu di banco y pa e motibo aki hopi cliente di FCCA a opta pa pasa nan hypotheca pa banco. Mas cu 10 aña caba FCCA ta asina aki y nunca boso nan niun no a habri boca ariba e asunto aki. Awor si bo mira ta te hasta tereno erfpacht nan ta bende.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter