Tuesday, 30 September 2014
Parlamentario Booshi Wever: Business plan di Minister Visser un farce?? Print E-mail
Thursday, 18 April 2013 19:43

Booshi Wever015

E hospital tematico ta factibel? E pregunta no mester ta cu si e ta factibel, pero si e tin derecho di existencia! Den otro palabra, cu si nos pueblo lo beneficia di dje y si nos por paga p’e sin perhudica nos pueblo mes. Nos a tuma nota cu sr. Visser tin problema pa pone apenas 9 miyon extra pa aña pa e hospital aki.

Gran parti di e suma aki ya ta ser gasta na otro institutonan. Por ehempel AZV ta paga casi 5 miyon na gastonan medico pa manda patientnan cu problema di curazon pa exterior; ya caba ta pagando pa e patientnan diabetico cu mester dialisa, radiologia, etc., etc! Pues aki bo por papia di un "verschuiving" di e gastonan medico! Kiko ta mas beneficioso pa e patient: mande afo, of trate na Aruba mes? Un patient di pariba di brug y en particular di San Nicolas cu mester dialisa, ta mande pa HOH, of e ta dialisa na San Nicolas mes? Un patient di wowo mester sigui coi tres bus prome cu e yega HOH, pa despues bai back na su specialista den Playa of na San Nicolas, of e ta wordo trata na e hospital na San Nicolas mes na unda tur cos ta bow di un dak? E contesta no por ta otro, cu e patient lo prefera pa e haya e cuido na Aruba y na San Nicolas mes! Pues pa tanto e patient como pa e calidad di e cuido medico, e hospital tin derecho di existencia! Banda cu e hospital aki tin su beneficionan medico pa e pueblo di Aruba, contactonan a ser estableci cu Corsow y autoridadnan Curasoleño, y nan a mustra masha hopi interes pa laga nan patientnan, cu awor tambe ta bai Venezuela of Colombia, bin hasi e proceduranan cardiologico y operacionnan cardio-vascular na IMSAN tambe. Alabes a papia cu e autoridad Hulandes cu ta encarga cu salud publico na Boneiro, kende tambe a mustra interes. Pues mas ingredientenan cu ta hasi e hospital aki uno cu lo nifica algo beneficioso pa e comunidad Arubano, y cu tambe lo por tin su efecto positivo pa un desaroyo nobo pa San Nicolas. Tur esakinan a ser tuma den consideracion y ta aparece den e estudio di factibilidad bao di e gobierno anterior! Turismo di Salud. Un otro aspecto cu tambe a ser incalcula, ta e hecho cu un otro tipo di turismo por ser atrae. No solamente e turista cu tin problema cu curazon lo por scohe Aruba ora cu e sa cu na Aruba e lo por ser trata den cualkier caso di emergencia, pero tambe e lo por scohe Aruba pa hasi e tratamento tambe! Ademas no mester descarta e posibilidad di atrae patientnan di islanan Caribense cu awor no tin opcion cerca di cas. Pues contrario na loke sr. Visser ta bisa, esta cu e hospital lo ser utilisa solamente pa turista, ta un mentira flagrante. E turismo medico ta un manera di diversificacion di nos turismo, cu by the way tur hende ta papia di dje. Conclusion. E conclusion ta cu e hospital tematico ta un mester pa San Nicolas, no importa con sr. Visser ta trata na pinta e situacion diferente.

Comentarionan (2)Add Comment
Bounty Hunter
April 22, 2013
201.229.28.48
Votes: +0
...

Boshi, bo a custumbra di hasi cosnan robes y contra ley y ta p'esey tur loke bo mira cu ta asina bon bo ta bolbe halucina cu ta cos falso y falsifica. Corda cu ora bo hasi malo y ni cuanto pordon bo pidi e malo ta keda persigui bo pa resto di bo bida. Proyecto Dump, Caso landslaboratorio y e famoso diploma y e 21 puntonan cu MEP a duna bo.

De Waarheid
April 18, 2013
201.229.76.3
Votes: +2
...

Boshi please stop di bruha tera.
Unda bo a laga nos 23 million di un projecto cu nunca a funciona.
Cu ki cara bo ta critica otro hende, bo sa quando placa 23 million ta.
Na un otro pais lo bo ta sera caba.
Unda cu bo bai pa e resto di bo bida pueblo nunca lo lubida kiko bo a haci cu nos placa di belansting.
Un berguansa y tog bo tin e curacia di papia di nos autonomia.
Boshi, abo MEP y Aldin ta hanciendo nos cummunidad un mal serviscio.
Boso tur lo hanje boso saus na September.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter