Thursday, 30 October 2014
Parlamentario Booshi Wever: Business plan di Minister Visser un farce?? Print E-mail
Thursday, 18 April 2013 19:37

Booshi Wever002

For di publicacionnan den Prensa nos por a tuma nota cu minister Visser lo a entrega na gobierno un business plan pa Instituto Medico San Nicolas, IMSAN. Como cu, manera ta e custumber cu e gobierno aki, Parlamento un biaha mas a keda sin ricibi copia di e business plan aki, d

iamars, dia 16 di april ultimo, mi a haci un peticion na Presidente di Parlamento, sr. Paul Croes, pa e obtene for di gobierno copia di tal business plan y pone na disposicion di Parlamento. Tanten cu Parlamento NO ta dispone di e copia ey, pues ami tampoco, mi mester bay tras di locual prensa ta publica, cu pues ta wordo informa door di e gobierno aki PROME cu e representacion di Pueblo, esta Parlamento, locual un biaha mas ta demostra e falta di respet di e gobierno aki pa cu e instituto Parlamento; y aki tanto Presidente como e otro 11 marionetanan den Parlamento ta keda keto; di otro banda, den caso cu nan SI a ricibi copia di e business plan, esaki lo ta otro muestra di e falta di transparencia den cua e gobierno aki ta campeon! Como minister di Salud den e gobierno anterior, na 2009 mi a laga diferente proyecto, e fondonan, pero tambe e equipo, pa minister Visser continua. Por ehempel e proyecto di radiologie, e wondenpolie tabata ey caba! NO ta proyecto di minister Visser! Ya como minister mi a percura pa cambia e servicio di ambulance, for di un simpel transporte, pa un transporte CU cuido medico (verpleegkundige) a bordo! Pa haci como si fuera ta proyecto di Visser, ta engaño (om de tuin leiden) di nos comunidad! Si mi a comprende bon, e unico cos nobo den e “vision” di minister Visser ta e oncologia cu mi ta apoya tambe. Mi tabata, y ainda mi ta boga pa un asina yama “thema-ziekenhuis” (hospital tematico) pa problemanan cardio-vascular, den cua hunto cu e aspecto curativo, e aspecto preventivo tambe lo a wordo atendi. Awor minister Visser ta haci todo lo posibel pa hustifica su decision cu e hospital tematico aki na San Nicolas no ta bin mas. Pakiko un hospital tematico! Hospitalnan generalmente ta ofrece e cuido medico hospitalario y di consultorio riba casi tur tereno specialisa! Pa locual ta trata e hospital na San Nicolas, despues di hopi estudio a yega na e conclusion cu mester bin cu un "thema-ziekenhuis" cu un super-specialisacion di tur loke ta trata problemanan medico riba tereno di curazon y di bena, pues tur loke tin di haber cu enfermedadnan a consequencia di obesidad. Tur hende, particularmente sr. Visser sa cu esey ta un di e problemanan di salud mas grandi cu nos tin aki na Aruba. Y nos tur sa cu e cantidad di hendenan cu tin problemanan di salud a consequencia di sobrepeso na Aruba, ta alarmante. Teniendo cuenta cu e hecho aki, gobierno anterior hunto cu AZV a tuma e decision pa converti e Centro Medico Rudi Engelbrecht den un hospital specialisa riba tereno CARDIO-VASCULAR! Kiko e hospital aki lo por ofrece? Tur hende sa cu un di e consequencianan di obesidad ta problemanan "cardio-vascular". Den cuadro di esaki e plannan a inclui delaster un cuido medico cu tin di haber cu esaki. P’esey e hospital aki lo a haya: *un diabetes-centrum * radiologia *funktiekamer, den cua tur test di cardiologia por ser haci. *camber di gips *ambulance *prome auxilio; sala di emergencia *camber di operacion *cateterisacion *cuido intensivo *hospitalisacion (verpleegafdeling) *policlinica pa cuido di herida *specialista di wowo. E vision aki lo mester a desemboca den hisamento di e calidad di e cuido medico aki na Aruba, y no ta manera sr. Visser kier pinta e projecto aki manera algo cu no ta sirbi y cu no ta factibel. Aparte di e specialisacion aki TUR otro operacion lo por ser hasi den e hospital na San Nicolas, pasobra tin cambernan di operacion, e cuido intensivo, cambernan di enfermeria, tratamento y operacionnan cerca di famia! Esaki ta conta particularmente pa esnan cu mester ser cateterisa of haci un operacion cardiaco. Pa esakinan tur hende mester bai of Colombia of Venezuela. Naturalmente mester yega na acuerdonan cu e specialistanan local pa nan bin duna cuido na San Nicolas tambe. Varios specialista ya caba ta dunando nan servicio den e edificio aki. Cu e hospital aki tanto e patient como e specialista por scohe unda e kier ser trata of duna e servicio. Y unda tin competencia SANO, e patient lo sali ventahoso! Den e setting cu a scohe, IMSAN mester por funciona riba su mes, pero den un bon cooperacion cu dr. Horacio Oduber Hospital y e specialistanan, pa di e manera ey crece bira algo di cua nos por ta orguyoso, y cu por wordo maneha pa nos propio yiunan di tera. Pues no solamente e ta un hospital pa problemanan cardio-vascular, pero tambe pa TUR otro specialisacion!

Comentarionan (1)Add Comment
Chomois
April 18, 2013
201.229.75.43
Votes: +2
...

Farce? Farce ta un tal CASD Wever! smilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter