Thursday, 27 November 2014
Parlamentario Ady Thijsen: Ministro Plasterk ta pega cu malesa di Mike Eman Print E-mail
Thursday, 18 April 2013 17:20
Comparti

524689 627889257225652 305931226 n

Mr. Juan Ady Thijsen a ricibi directamente for di Hulanda for di colega di Tweede Kamer un copia di contestanan di Ministro pa Asuntonan di Reino senjor Plasterk na miembro di Tweede Kamer senjor Bosman di VVD. Manera conoci senjor Bosman a manda un serie di 10 pregunta na Ministro Plasterk tocante e protocol firma dor di Prome Ministro di Aruba Mike Eman y e Ministro Hulandes.

E protocol ta un ehecusion di un protocol di cooperacion firma na october 2011. E di dos protocol aki ta pa acorda e boluntad di Hulanda pa yuda Aruba haya plaka presta riba mercado internacional. Parlamentario Bosman ta preocupa cu Aruba tin un situacion financiero precario basa riba un mal maneho financiero y ta pone Hulanda su reputacion na peliger. Parlamentario mr. Juan Ady Thijsen ta constata cu e contestanan di Ministro Plasterk no tin contenido y cu Ministro Plasterk ta falta respet na Tweede Kamer yacu e no ta contesta e preguntanan sino ta referi Parlamentario Bosman pa bai puntra gobierno di Aruba. Según parlamentario mr. Juan Ady Thijsen Ministro Plasterk ta lubida cu e hecho cu Aruba no ta mara na e consensusrijkswet cu ta mara Corsow y Sint Maarten, no ta kita afor cu ainda ta existi articulo 43 lid 2 di Statuut na unda ta para cu Reino Hulandes tin waarborg di principionan di bon gobernacion den Reino y ta den cuadra di esey mester mira e preguntanan di Parlamentario Bosman, kendenan a puntra claramente e opinion di Ministro Plasterk. Dor di referi pa Parlamentario Bosman check cu gobierno di Aruba, Plasterk ta core pa su responsabilidad. Pa es motibo aki e contestanan di Ministro Plasterk no a cai den bon tera den Tweede Kamer y sigur e asuntonan aki no lo bai keda te akinan. Según Parlamentario mr. Juan Ady Thijsen akinan ta trata di parlamentario Hulandes di coalicion y dor di esaki e ehecucion di protocolnan firma ta core peliger. Ya caba un mocion den Tweede Kamer tocante e prome protocol a ser rechasa den Tweede Kamer. Pa loque ta toca e aspecto di toezicht según parlamentario mr. Juan Ady Thijsen ta importante pa remarca e referencia di Ministro Plasterk na condicionan financiero den Reino pasobra te awor ta uno so nos conoce esta, e sistema di CFT na Corsow y Sint Maarten. Lo busca otro nomber pa e forma di condicionan aki pero na momento di referi na condicionan di Reino nos sa di awor aki caba cu na momento cu Aruba bai over pa pidi Hulanda subi mercado internacional pa Aruba haya un prestamo, Aruba lo ser poni bow condicionan financiero mescos cu Corso y Sint Maarten. Pa esnan cu ta duda tuma bon nota di esaki cu ta indica cu nos autonomia financiero ta den peligro serio.

Comentarionan (7)Add Comment
!!!BERDAD!!!
April 22, 2013
201.229.17.166
Votes: +1
...

!!!BERDAD!!! por a scucha Parlamentario Thijsen na Radio Diasabra merdia y por a constata cu Sr. Thijsen lo ta un candidato fuerte den e proximo eleccion venidero ya cu e ta profila su mes como un PROFESIONAL y no un tirado di palabra manera Clarisca Velasques y Donki y demas otronan cu nan Salario ta un berdadero DESPERDICIO di fondonan PUBLIKO!

Dicon no
April 19, 2013
201.229.13.34
Votes: -1
...

Desesperashon ta bisto den tur e politoconan di comiquita di Mep, rosea bisa, miedo y un sintido di un proximo derota ta insuperable den nan cara, nan discursonan, nan coi loconan cu nan ta papia dia aden dia afor, jammer, jammer cu hende a para bira asina aki.
Desde cu nos lider q.e.p.d. Betico a bay laga nos, Mep a bira un partido mediocre.

De Waarheid
April 19, 2013
201.229.76.3
Votes: +3
...

Ady, bosonan ta pene hende pa rabia tur dia, e unico cos cu bosonan di MEP ta hasi ta critica pasobra bosonan no tin e experencia cu e hendenan di AVP tin.
Mas pio ainda bosonan no tin e astudionan tampoco.
E Rubiononan di awendia ta hopi mas educa e nun di nos no ta bay cay den boso trampanan mas.
E ta dwil mi ca abo ta cabra nos placa di belasting din parlematento dis pa papia k**a tor dia.Danki dios na September tur asei ta bay cambia.
Cumnisa busca otro entrada, si bo ta sabi, ba spar poco di e placa cu ba hanja sin hansi algo pe.
E Hollandesnan ta hende sabi compara cu bo amigo, i danki dios nan wowo nan a habri na tempo.
Evelyn y Xiomara a hasi nan mes ridic*lo atrobe, tin biaha mi ta puntra mi mes ki scol e damanan aki a bay.

De Waarheid
April 19, 2013
201.229.35.210
Votes: -5
...

tur hende sa cu partido bendepatria AVP cueste loke cueste mester keda na mando pa nan por keda masacra e pueblo pa nan propio probecho. Aruba tambe lo haya un CFT riba nan cabes, danki Mike bon trabao!

el_caballo
April 19, 2013
46.129.105.192
Votes: -1
...

Mr: ,abo si papia kosnan bruga.

bo poletic no ta sirbi mes.

Susie
April 18, 2013
190.104.96.206
Votes: +5
...

Ady, bo a bira mesun cos cu pader lampe...stop di hacie ridic*lo.

Mi ta casi sigur cu 24ora.com no lo publica mi mgs nan. Pasobra asina semper nan ta, ta pompa.

Randolf
April 18, 2013
201.229.27.252
Votes: +10
...

Esey ta Ady su balente gusta huzga y saca conclusion nan. Nada di madurez politica corda di mustra responsabilidad. Un persona cu a cuminsa cu negoshi cu tereno di pueblo y di e forma cu e a haci'e ta kiko otro por spera di dje?

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter