Monday, 22 December 2014
M.E.P: E contestanan di Minister Plasterk ta confirma cu e prestamo di Hulanda ta mara na condicion Print E-mail
Thursday, 18 April 2013 16:38
Comparti
DSC_2063
Entre nan e criteria di e Ley di Reino pa supervicion financiero lo ta aplicabel pa Aruba Relaciona cu e Protocol di Diahuebs Santo cu a keda firma entre Aruba cu Hulanda, e parlamentario Hulandes Bosman di VVD a haci preguntanan oficial na Minister Plasterk di Relacionan di Reino.

E parlamentario Hulandes a cuestiona e Minister riba e preocupacion cu ta ser treci dilanti den e rapport “Feestvierend ten Ondergaan” di MEP y a pidi aclaracion con bin cu Hulanda ta dispuesto pa presta Aruba placa sabiendo con e situacion financiero ta hinca den otro. For di e contestanan di Minister Plasterk ta bira bisto cu un eventual prestamo di Hulanda na Aruba ta mara na condicionan. Tur cos ta mustra cu entre nan e criteria di e Ley di Reino pa supervicion financiero lo ta aplicabel pa Aruba.

E mandatario Hulandes den su contesta a ripiti locual tin poni den e Protocol bisando cu Hulanda kizas lo por fia Aruba placa pero pa esaki Hulanda lo haci un evaluacion na man di criteria di maneho sostenibel di finanzas publico y posibilidad di pago cu ta wordo aplica den Reino y tambe riba mercado internacional. Hulanda ta reserva e derecho pa keda sin presta placa si acaso Aruba no por cumpli cu e criteria nan aki. Den su contesta e Minister ta mustra cu den Reino, Corsow y Sint Maarten ta haciendo uso caba di e posibilidad pa presta placa di Hulanda bou di e condicionan regla den e Ley di Reino pa supervicion financiero. Y awor hunto cu Aruba lo bay explora bou di cual condicion Hulanda lo por presta Aruba tambe placa.

For di e contesta aki ta bira bisto cu e criteria di Reino a base di cual Hulanda lo evalua pa presta Aruba placa, lo ta e mesun criteria cu tin poni den e Ley di Reino pa supervicion financiero cu awor aki ta conta pa Corsow y Sint Maarten. Pasobra den Reino no ta existi otro criteria pa evalua maneho sostenibel di finanzas publico y posibilidad di pago. Di e manera aki Aruba lo mester bay bou di supervicion pa por yega na remarca pa haya placa di Hulanda presta. Sin control, no tin placa.

Mester remarca cu no ta pa casualidad cu Aruba mester bay institui un Colegio di Conseho pa haci Supervicion manera poni den e Protocol. E Colegio aki mester bay haci e control necesario pa Hulanda mescos cu e Commissie Financieel Toezicht (CFT) ta haciendo awor aki na Corsow y Sint Maarten pa cumpli cu e criterianan poni den e Ley di Reino pa supervicion financiero. Di e manera aki no ta Aruba sino Hulanda por medio di e Colegio lo dicidi con Aruba mester anda cu su finanzas publico pa asina nos por haya placa fia. Asina aki nos ta perde nos autonomia pa dicidi riba nos mesun cartera na nos mesun Pais.

For di e contestanan di Minister Plasterk na parlamentario Bosman ta bira bisto cu e ponencia di Gabinete Eman y e parlamentarionan di AVP cu no tin condicion mara na e eventual prestamo di Hulanda ta cay na awa. Pa Aruba fia placa di Hulanda nos mester bay cumpli cu entre otro e criteria di Ley di Reino pa supervicion financiero cu lo hiba nos bou di supervicion di Hulanda perdiendo asina nos autonomia financiero.

Comentarionan (5)Add Comment
JEFFREY TROMP
April 19, 2013
83.81.64.41
Votes: +0
...

Tur prestamo ta mara na un codicion. Si bo kier cumpra un cas , bo tin cu sera un Hypoteca. Banco tin su condicionan cu ta mara na prestamo di Hypoteca; 1 bo tin bon salud?,2 bo tin trabouw figo?, 3 bo ta fiel pagado? , probablemente bo tin cu sera un seguro di bida.
Hulanda tambe tin su condicionan, 1. Aruba ta salud? ,2. Aruba su entrada ta stabil, 3. Aruba ta un bon pagado?. Pero e pregunta ta Abo kier cumpra un cas of renoba bo cas?, pero bo no tin e sen pa hacie? , e ora bo tin sera un hypoteca i asina e ta cu E vision di AVP nan kier renoba Aruba i nan ta traha duro ariba esaki, mi ta spera cu nan keda skerpi den nan afspraaknan i trece mas entrada economico pa Aruba por paga nan debe mas lige.

RAZON
April 19, 2013
206.48.23.26
Votes: +0
...

Neo-colonalismo awendia ta tuma dos forma: Economico y politico. Nos ta reconoce cu dominio economico no solamente ta hopi biaha dificil pa elimina, pero hopi biaha ta sirbi manera e punto di entrada pa dominio politico.

Randolf
April 18, 2013
201.229.27.252
Votes: +8
...

Mevrouw shi maria bruhado di tera aki ta gusta tuma nos pueblo haci. Bisa mi cual prestamo no ta mara na condicion nan. Ora bo sera un prestamo personal, carloan of hypotheca tur ta mara na condicion nan y asina tur otro prestamo. Stop di kere cu nos Arubiano nan ta hende nan bobo cu no ta compronde nada.
Falta di madurez y cu e sentiment di rabia odio cu nan kier sembra den pueblo no ta na bienestar di Aruba y henter e pueblo aki.

Chomois
April 18, 2013
201.229.75.43
Votes: +5
...

E muhe aki n' por stop di zeur riba e mesun cos? E ta vies! E tin hende cansá! smilies/angry.gifsmilies/angry.gifsmilies/angry.gif

compadre
April 18, 2013
46.129.105.192
Votes: +4
...

e señora aki ta tira poletic suchi,welwel.
ARUBA ta pertenese HULANA ku regla toch.
of ora unBANKO via plaka ta tuma tambe regla die fiado of di e banko????



nos ta vliet vliet vliet e muskita aki !!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter