Wednesday, 27 August 2014
P.D.R: Preguntanan di parlamentarionan Hulandes si ta zakelijk pa Prome Minister Print E-mail
Thursday, 18 April 2013 16:35
DSC_2063
Ora Parlamentario hulandes haci pregunta e ta zakelijk y ora aki na Aruba fraccion di PDR haci pregunta diripiente ta hunga politiek segun mr. Andin Bikker. Loke e lider di PDR kiermen cu esaki, pasobra siman cu pasa parlamentario Bosman di VVD a haci cierto pregunta na gobierno hulandes den mesun liñea practicamente cu fraccion di PDR a bin ta haci pa basta tempo caba na gobierno di Aruba.

E preguntanan ta entre otro riba situacion financiero economico preocupante di pais Aruba. Lider di PDR por a mira cu tres di Sr. Bosman su preguntanan ta mescos cu PDR a jega di haci. Un di e preguntanan ta, si gobierno hulandes por indica si nan ta haya cu situacion economico di pais Aruba ta stabil. E di dos pregunta ta riba mesun liñea cu PDR a jega di haci, si por conclui cu gobierno di pais Aruba basicamente ta financiando e crecimento economico door di endeuda pais Aruba. E di tres pregunta, si no ta coriendo risico cu ta bai haci mas deuda abase di ta haya mas espacio financiero y tambe ki dia ta cuminsa cu parlamento bek y baha e debe nacional di pais Aruba. Pakico ta trece e punto aki dilanti, pasobra como fraccion den Parlamento PDR a haci e preguntanan aki varios biaha y ta ripara cu gobernantenan no ta bai riba e preguntanan y ni ta contestanan, pero nan ta bai dal ful un storia etc. y ataca casi personalmente y no ta bin bek contesta e preguntanan cu ta haci. Segun mr. Andin Bikker, a puntra tambe por ehempel, cuanto e debe nacional a crece desde 2009 te cu 2013 pasobra debe nacional a aumenta astronomicamente bau di e gabinete aki cu ta cai 1/3 parti. Lider di PDR, ta sigui bisa cu despues di 25 aña di Status Aparte, diferente gabinete, diferente signatura a jega na un debe nacional di 2.4 biyon pa despues e gabinete aki den menos cu cuater aña a jega na un aumento substancial na debe cu diferente proyecto y den concepto di PDR tabatin otro manera di haci nan na un manera mas eficiente y mas barata. Esaki ta cosnan cu na final di dia ta preocupa PDR pasobra Aruba su budget recht ta un di derechonan fundamental como parlamentario cu tin pa vigila. Ta derecho di Parlamento pa vigila con gobierno ta maneha cu fondonan publico y ora no ta haya contesta di gobierno riba e preguntanan cu ta haci y cu semper ta alcaso y no ta haya contesta un fraccion den parlamento no por haci su trabao debidamente. Loke lider di PDR ta haya straño ta cu Sr. Bosman a haci mesun pregunta cu PDR a haci na Prome Minister y e ta haya cu Bosman su preguntanan ta zakelijk y ora PDR haci mesun pregunta Prome Minister Eman ta haya cu ta hunga politikeria. Segun lider di PDR e ta kere pa por jega na un nivel di seriedad di gobernacion y interaccion cu parlamento lo ta bon tambe pa jega na seriedad di parti gobierno con ta reacciona riba preguntanan di parti oposicion y tambe di parti di tur parlamentario den parlamento basicamente segun lider di PDR mr. Andin Bikker.

Comentarionan (3)Add Comment
De Waarheid
April 19, 2013
201.229.76.3
Votes: +0
...

Aldin, un par di anjanan atras ba cuminsa hopi bon cu tur bo argumentonan, pero e ultimo 2 anjanan ba cuminsa papia mes cos cu MEP.
Mi a pensa cu ba sinia di e fout di Pader Lampe y Monica 4 anja pasa ora nan tambe a cominsa papia manera MEP.
Bo a wak kiko a susede cu nan.
Wel amigo abo ta bayendo den mis un derection i na Semptember lo bo mester keda contento si bo logra cada den parlemento.
Cu bo "tinted glass" bo ta judando e "Atracadornan" y cu tur bo argumentoinan fofo bo ta judando AVP, danki amigo.
Berdad cu tempo ta cabia hende.

el_caballo
April 19, 2013
46.129.105.192
Votes: -2
...

E Mr: aki no ta mira rond di nos duchi ARUBA
of ta siego e ta???

Mr: bo por konta kuanto obras (cabio) nos ARUBA ta haniado.

(kasnan ,juda e sun ku mester juda,camindanan,schoolnan etc etc etc...

Randolf
April 18, 2013
201.229.27.252
Votes: -2
...

Andin wega ta loke boso ta haci cu e falta di madurez y e hamber pa poder pero cu abo na mando e pueblo aki lo tin mas di perde cu gana pasobra bo lo kier regala delaster un cen sin inverti nada basta pa bo gana popularidad y haya credito pa asina bo por cana pronkia cu un pluma falso.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter