Thursday, 24 July 2014
MEP ta desea Aruba pabien cu dia di Himno y Bandera Print E-mail
Friday, 15 March 2013 18:08

 BANDERA

Dialuna awor nos ta celebra dia di nos Himno y Bandera. No tawata un lucha facil, no ta regala nos a haya nos Himno y nos Status Aparte. Na añanan 70 danki na e vision y determinacion di Betico Croes, nos a logra nos Himno y nos Bandera. E proyecto aki a wordo boycotia pa partidonan opositor AVP y PPA a vota contra nos Himno y nos Bandera.

Pero Betico Croes a realisa cu un pueblo no por ta liber sin su simbolonan di identidad, sin su simbolonan di union. Y persey el'a persevera, y nos a logra.

Nos himno y nos bandera tawata instrumental pa nos logra nos Status Aparte. Un deseo di nos pueblo di ta los di Curacao, cu a nace ya den añanan 30, y cu a wordo canalisa door di politiconan Henny Eman, Juancho Yrausquin y Shon A Eman. E esfuersonan aki a wordo concretisa den un peticion pa separacion cu a wordo entrega na La Reina dia 18 di maart 1948. E peticion ey cu a wordo firma pa mas di mil persona, entre nan mi abuelo. Esey ta e fundeshi di e deseo di nos pueblo di ta baas den su mesun cas, di ta los di Curacao.

Pero e sigiente 22 anjanan e lucha aki a wordo bandona, e fundeshi a wordo laga pa su cuenta. Esnan cu a firma e peticion a sinti nan defrauda. E fundeshi a cuminsa kraak, yerba a cuminsa crese riba dje.

Danki na e vision di nos Libertador cu a funda nos partido Movimiento Electoral di Pueblo MEP na aña, cu a sigi cu construccion di e cas.

El'a fortifica e fundeshi cu a keda bandona pa 22 aña, ela lanta bloki, basha ringblak y lanta e dak. Y finalmente el'a entrega nos e yabi di a cas, pa nos por biba liber, pa nos yiunan por lanta den libertad. Lamentablemente e mes no por a gosa di e cas aki cu el'a construi.

Pesey nos mester mustra nos compromiso, cu nos ta bai lucha pa mantene nos Status Aparte, y defende contra tur hende y tur cos!

Si abo tambe ta orguyoso di nos Himno y di nos Bandera, celebra e dianan aki den grandi. Hisa bo bandera y demostra cu bo tambe ta orguyoso di nos Himno y di nos Bandera!

Comentarionan (1)Add Comment
dog
March 15, 2013
201.229.10.4
Votes: +1
...

Tur ora e mes un BLA BLA BLA .... ta ki dia boso (MEP) ta stop, kada vez cu boso pone un artic*lo boso ta papia malo di otro, mi kier men di papia positivo, papia di loke boso ta bai haci, purba di kambia boso mentalidad.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter