Friday, 31 October 2014
Parlamentario Arondino Croes: Prome Ministro Mike Eman y su coordinadornan ta costa pueblo casi mita miyon pa luna pa cana gaba Print E-mail
Friday, 15 March 2013 16:55
DSC_2063
Actualmente segun Parlamentario Arondino Croes nos por mira cu Prome Ministro Mike Eman ta den full campanja cu plaka di pueblo. Eleccion ta na caminda y Prome Ministro Mike Eman ta pasando na cierto casnan specifico den barrio den pueblo cu un grupo grandi di coordinadornan.

Si nos pone e salarionan hunto tanto di Prome Ministro Mike Eman y e cincuenta coordinadornan cu ta cana cu Prome Ministro Mike Eman tanto esnan bisti na berde como esun cu ta saka e potret, otro cu ta bisa e hendenan pa hari y tambe esun cu ta scirbi e storia nos ta yega na un suma di casi mita miyon florin cu ta pueblo ta paga pa AVP pa luna. Segun Prome Ministro Mike Eman e ta cana pa scucha necesidadnan den pueblo pero segun parlamentario Arondino Croes di con Prome Ministro Mike Eman ta bai casnan unda pa casualidad tin hende cu no tin problema sino ta contento. Pakiko Prome Ministro Mike Eman no ta bai cas di e trahadornan cu a perde trabao na Valero y otro negoshinan cu a cera, pakiko Prome Ministro Mike Eman no ta bai bishita e famianan cu a ser horta pa ladronanan, pakiko Prome Ministro Mike Eman no ta bai den Burger King wak con e negoshi a sufri pa e desastre den caya Betico Croes.

Tampoco no ta mira Prome Ministro Mike Eman ta bishita e casnan cu famian cu awa y luz corta. Ki dia Prome Ministro Mike Eman ta bishita e casnan di habitantenan di Urirama y vecindario cu ta preocupa pa e destrucion di e barrio. Ningun momento ta tende Prome Ministro Mike Eman bishita casnan cu AVP a priminti cu e ta kita BBO. Prome Ministro Mike Eman ta yega San Nicolas touch and go, pero no ta bai e cas di hendenan desapunta di promesanan di AVP pa San Nicolas. Segun Parlamentario Arondino Croes solamente ta mira Prome Ministro Mike Eman ora tin algo pa gaba cune, cosnan cu no ta prioridad pa e pueblo manera nos por mira Prome Ministro Mike Eman core den tram y no un bez pero cada biaha ta inventa algo pa corre e tram atrobe. Wel si kier corre kier corre, segun Parlamentario Arondino Croes ta bai worde corre, pero e biaha aki ta pueblo ta bai corre cu Prome Ministro Mike Eman y su gobierno. Ningun pais na mundo no a ser priminti asina hopi sin cumpli cunele. Esaki ta historia pero uno scur.

Comentarionan (8)Add Comment
The Baron
March 19, 2013
201.229.18.46
Votes: +0
...

Ta ki bril abo tin bisti,"VALERO" no tin trahado mas,BOSO a sera VALERO toch!Mescos cu "AIR ARUBA",FCCA (Bo ta corda e dill cu INTER-Bank)casi a bay tambe,dios gracia cu "MEP" a bini goberna.Grimilidad no twt 0%,pero hopi mas bao control(anto cu majoria Polis AVP).BBO a subi prijs???,pero boso a primiti di kite'le toch,by the way prijs a sigi subi(Boso a primiti control toch).Ki bril bo tin bisti,mi sa cu e ta dal duro,AVP a dal 12-8,pero cu ganjamento awe nan ta den e buraco cu nan mes a coba.Ex-prim.Nelson Oduber twt traha i no twt tin tempo ni tanto cordinador pa hasi "SHOW",awor boso kier hasi cu "RITZ CALTON",danki pa kita bo bril un rato.

Shabby V
March 19, 2013
201.229.18.46
Votes: +0
...

Eta bo ta critica pero bo mes ta biba 30 pa 35 anja na hulanda. Bo ta ruman di Harry Croes ex trahado na Top fm toch ??

Savae your Nonsense
March 16, 2013
201.229.18.145
Votes: +1
...

Si bo tin prueba ato ta bon pero si bo no tin prueba bo ta zwak mes y ta of por causa bo voto's...asina ta ora di papia bin cu prueba ok?Biba Aruba aunke cu e alma di Aruba mes ta Tristo...

eta curiel-croes
March 16, 2013
86.91.142.233
Votes: +3
...

Arondino bo no tin nada otro di hasi enbez di bo critica. Pesey bo a bira parlamentario? Dedica bo tempo na bienestar di Aruba enbez di cana piki pieuw.

rock
March 15, 2013
201.229.91.232
Votes: +1
...

Arondino bo ta cansa hende, kita e bril di palo ey, y busca coy haci. Bin cu idea nan valioso pa hiba ARUBA dilanti, stop cu shisheria. Ta di unda bo ta???

Irreal
March 15, 2013
201.229.7.145
Votes: +3
...

Mucha homber, mi tin basta dia ta wakbo I aworaki bo ta bai hanja for di mi: Bo ta papia comosifuera MEP tabata un bendicion pa pueblo den e 8 anjanan ku nan a goberna: bisami ki plan MEP tin awe pa e trahadornan di VALERO? Ku ki kara bo ta papia di 'AVP no a kita BBO' si ta MEP mes a forsa e BBO ei riba pueblo -contra di tur consejo- ku consequencia ku prijsnan a subi for di control? Tempo di BBO SIGUR tabatin kasnan sin awa I coriente: abo a bai biS**ta e hendenan ei? Acaso criminalidad tabata 0% durante MEP na mando? Ami por korda un minister di justicia di MEP bou di curatela; BERGUENSA nacional esei ta Arondino. Acaso caya grandi tabata 'florece' bou di gobierno di MEP? No wak AVP Arondino, paso laga ami GARANTISABO un kos: ta pasobra MEP a goberna ASINA MALO e 8 anja largo, ku AVP a logra bin na poder ku 12-8. Hipocrita, bo realmente ta kere ku si AVP faya, AUTOMATICAMENTE MEP ta drenta gobierno bek???

s.lee
March 15, 2013
190.104.98.142
Votes: -3
...

hopi berdad ombo ta tristo mes cos ta!

rod
March 15, 2013
201.229.9.206
Votes: -3
...

E donjo di Burger King no mester net nada
pasobra MEP a dunele Caya Grandi pa e hasi
negoshi cu patrimonio di pueblo...Bai ganja
macaco y burico !!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter