Wednesday, 01 October 2014
Parlamentario sra. Lorna C. Jansen-Varlack: Pronto San Nicolas lo haya 10 tourbus riba su ruta y diferente atraccionnan turisto cu lo atrae turistanan pa San Nicolas Print E-mail
Monday, 11 March 2013 19:45

lorna varlack007

San Nicolas Business Association y pueblo di Pariba di brug mester cuminsa prepara e condicionnan pa ricibi e turistanan cu e 10 tourbus lo cuminsa trece pariba di brug y specialmente den centro di San Nicolas. Mas atencion mester wordo poni na e aspecto di seguridad, limpiesa, lugarnan di bende productonan di Aruba, cuminda y bebida. Mester tin algo cu lo bay “trigger” e turista pa e regresa San Nicolas mas cu un biaha.

E prome imprecion di un lugar ta hopi importante. Semper a wordo bisa cu lo kier mantene e aspecto Caribense den e area aki, pero e bista no mester ta uno deplorabel. Tin diferente edificio na entrada di mainstreet di San Nicolas cu ta bandona cu mester wordo drecha y converti den lugarnan atractivo. San Nicolas mester haya mas bida y e hendenan local mester haya oportunidadnan pa inverti den San Nicolas. Mester di mas borchi di indicacion pa e diferente lugarnan. Pa falta di borchinan grandi di indicacion turistanan ta perde na caminda y despues di core rond pa basta tempo ta dicidi di core bay direccion Oranjestad. Mester cuminsa train e hendenan cu lo bay trata cu e turistanan pasobra cortesia y conocemento di e historia di pariba di brug lo ta hopi importante. Mi ta contento di tende cu entre e atraccionnan pa turista lo tin diferente museo na S.N. manera e San Nicolas Community Museum, e Museo di Deporte, e Museo di Carnaval y e Museo Industrial na e edificio di Watertoren. E museonan aki tambe lo beneficia nos studiantenan na prome lugar pa duna informacion importante di e historia di Aruba y tambe ora e studiantenan mester prepara nan proyectonan pa scol. Poco poco San Nicolas mester bira mas “tourist minded” cu e cambionan aki y manera Parlamento a trece dilanti den pasado na Minister di Turismo sr. Otmar Oduber pa Turismo y Con pa anda cu turista, mester bin como un area den curiculo di Enseñansa Basico. Muchanan for di chikito mester cuminsa siña e importancia di Turismo pa nos economia, cu turismo ta e prome pilar di nos economia y cu nos mester cuide. Na otro paisnan den Caribe ya caba hopi atencion ta wordo duna na scol pa cu e aspecto aki. Hopi desaroyo positivo ta tumando lugar pariba di brug danki na Gabinete Mike Eman I y specialmente ministernan Winklaar-Hooyboer, Oduber y De Meza. Nos ta spera cu e cambionan aki lo sigui beneficia pueblo en general.

Comentarionan (1)Add Comment
ban serio
March 11, 2013
201.229.26.150
Votes: +3
...

Esaki ta un di e varios Parlamentarianan cu mester wordo opgeruimd tin mas sigur Velasquez tambe ta un , mester drecha e lista di AVP cu sanger nobo pa core cu e sakinan. Esey ta NET loke Mike Eman ta haciendo!!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter