Tuesday, 30 September 2014
Parlamentario sra. Lorna C. Jansen-Varlack: Delegacionnan di IPKO a haci bishita di trabou na Deventer Ziekenhuis, Erasmus Medisch Centrum y Jeugddetentiecentrum De Hartelborg Print E-mail
Monday, 11 March 2013 19:39

lorna1

Un programa intensivo a wordo prepara pa e delegacionnan di IPKO y fuera di e reunionnan cu tawata toca e cooperacion entre e paisnan den Reino pa cu Enseñansa, Salubridad, Energia, Transportacion den e region Caribense y “Jeugd en Jongeren” diferente bishita di trabou a tuma lugar e.c.c. e topiconan aki.

Durante di e reunionnan tambe tawatin discusion riba e tema di “Beter benutten economische kansen Koninkrijk, Kansen voor het Koninkrijk, Viering 200 jaar Koninkrijk en Geschillenregeling.” E bishita na “Deventer Ziekenhuis” a tuma lugar dialuna dia 4 di maart. E delegacionnan presente a haya un presentacion y un recorido na e hospital cu ta un hospital relativamente jong y hopi moderno. Cada piso tin su propio cushina y e ocupacion di e cambernan ta di 1 te 3 pashent. Den e cambernan di 2 of 3 pashent tin e posibildad cu hende homber y hende muher ta drumi den e mesun camber. A splica cu e specialistanan ta traha hunto y nan ta gana un salario fiho. E meta di e bishita aki tawata pa nos haya un bista di e facilidadnan cu e hospital tin y e organisacion di un hospital moderno. E facildadnan di e hospital a wordo traha pa cu eficiencia y uzo optimal di e espacionan. E dak di e hospital aki ta ful traha di yerba teniendo cuenta cu “Green Energy.” Diarason mainta e delegacionnan a bishita Erasmus Medisch Centrum unda nos a haya un presentacion y un rondleiding di e hospital. E enfasis di e centro aki ta riba calidad, cuido optimal, educacion y investigacion. Erasmus Medisch Centrum ta un hospital unda 50% di e studiantenan ta internacional. E ta e Centrum Medico mas grandi di Hulanda y e ta cay den e 10 hospital mas grandi di Europa. Nos por a experiencia con studiantenan ta haci experimento y investigacion riba partinan humano pa nan specialisacion. Nos a haya e oportunidad pa topa y discuti cu studiantenan di Corsow studiando na e Centro Medico. Un di e specialidadnan di Erasmus Medisch Centrum ta e tratamento di tumornan cerebral den e Centro di tumor di cerebro. E Centro di tumor di cerebro tin como meta innovacion: innovacion riba tereno di Cuido, Operacional y Scientifico. E informacion di e dos hospitalnan aki tawata hopi valioso. E bishita na e “Jeugddetentiecentrum De Hartelborg” tambe tawata hopi informativo. Aki ta toca hobennan entre 12 y 24 aña cu mester di tratamento special of cu a comete un delito y mester di un bon tratamento of guia pa por funciona optimalmente ora di sali liber y drenta bek den comunidad. E Centro di detencion pa hoben kier brinda un di dos oportunidad na e hobennan aki pa cu enseñansa of pa siña un ofishi, depende di e nivel di enseñansa cu nan a sigui prome cu nan a drenta e centro di detencion. E combinacion di bishita di trabou y reunionnan Interparlamentario tawata hopi bon y hopi educativo. E delegacionnan por mira bek riba un consulta Interparlamentario hopi fructifero.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter