Thursday, 31 July 2014
Minister di Turismo, Transporte y Labor Otmar Oduber: Linear Park, un gran proyecto cu ta culminando su promer fase Print E-mail
Monday, 11 March 2013 16:45
DSC_2063
Minister di Turismo, Transporte y Labor Otmar Oduber ta indica cu e proyecto di Linear Park ta uno refrescante cu ta contribui na e mehoracion di Producto Aruba.

Manera e turista caba di baha for di avion, na caminda pa su hotel, e promer encuentro cu nos isla lo ta semper e rotonde di Cas di Cultura pasando dilanti e parkinglot di Talk of the Town cu pa añanan a ilustra un comunidad marginal cu no ta cuadra cu e realidad di e Isla Feliz. Pero e imagen aki awor no tey mas, awor e promer imagen cu un turista ta wak ta uno di progreso, un mehoracion di nos producto cu tanto nan como nos mesun hendenan por disfruta di dje.

Linear Park cu su facilidad y infrastructura urbano ta stimula recreacion pa full famia, deporte, mientras cu Plaza Turismo ta habri portanan pa e posibilidad unda cu bishitantenan por interactua cu nos cultura local.

Pa e mandatario y Gobierno e prioridad semper a wordo poni riba e diferente formanan pa embeyece y inova Producto Aruba na un standarte di calidad halto.

Linear Park lo ta un icono den Caribe pa loke ta trata desaroyo sostenibel a traves di diseñonan duradero y estetica cu mecanismonan eficiente di energia alternativo.

Manera ya caba pueblo di Aruba por a nota e cambionan cu a tuma lugar pa cu e luznan cu lo yuda pa economisa riba e gasto di coriente, mirando cu e luznan nobo di LED ta traha riba energia alternativo.

Aunke e proyecto aki ta uno di infrasructura , Minister Oduber a compromete su mes pa ta e precursor di dje. Mirando mas aleu, e mandatario y e team di ehecutivonan di DOW a anticipa retonan cu por presenta den futuro y a bin cu un sistema pa surpasa esakinan for di awor caba. Por ehempel, a bin cu solucion pa ora awa yobe por tin un circulacion pa lama por medio di rooinan cu a wordo crea y ta forma parti di e infrastructuara di Linear Park.

Ideal ta pa tin un parke cu un caliber y nivel cu nos tabata busca pe. E fase principal di Linear Park cu ta e area di Plaza Turismo te na Wilhelmina Park ta kedando cla y asina wordo entrega y inaugura.

Dia 17 di maart 2013 Minister Oduber lo ta presente durante e acto protocolario pa haci e apertura oficial di Plaza Turismo. E dia aki lo bay tin diferente actividad pa henter famia, cuminsando for di 10or di mainta cu e ya famoso Mercado di Santa Rosa.

dowers dowers dowers
dowers   

Comentarionan (2)Add Comment
!!!BERDAD!!!
March 12, 2013
201.229.124.207
Votes: +4
...

@dog, Linear Park ta sinonimo di CORRUPCION. Nada otro! Si GOBIERNO a sigui e reglanan di DESTAHO PUBLICO y di BON GOBERNACION, e proyecto di Linear Park tabata otro. Sinembargo, Minister Oduber parce tabata tin INTERESNAN AJENO y a dicidi otro cu e proyecto, cu awo MAL TRABOW ta visto TUR CAMINDA, a surpasa BEGROTING, y ainda NO TA CLA!

dog
March 11, 2013
201.229.12.58
Votes: +7
...

Ta di spera pa cu e proximo fase di e Linear Park, gobierno no bai haci e mesun fout di duna e proyecto na e mesun contratista .... lo barato sale caro. E proyecto mes ta hopi bon pa cu Aruba y su hende nan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter