Friday, 24 October 2014
Parlamentario Arondino Croes: Gobierno ta hinca operacion di Laboratorio Familiar den un situacion dificil Print E-mail
Monday, 11 March 2013 09:08
DSC_2063

Pa ilustra e dolor cu ta bibando den pueblo, Fraccion di MEP a tene nan encuentro di prensa dilanti Laboratorio familiar na Sta Cruz. Parlamentario di MEP Arondino Croes a indica.


Solucion
Laboratorio familiar tin 6 filial na Aruba y ta un compania local cu ta acredita riba nivel internacional. Segun Parlamentario Arondino Croes ta di aplaudi cu un compania Arubiano caminda tin 30 mama y tata di famia ta traha pa contribui pa hisa e nivel di calidad di analisis di pashentnan na Aruba. Ta lamentabel cu Minister Richard Visser no ta atende cu e compania aki pa soluciona su problema. Na dos ocasion a manda carta pa e mandatario, pero te cu awe ainda e no kier a sinta cu e laboratorio.

Cera laboratorio
Parlamentario Arondino Croes ta haya increibel con Gobierno ta broma cu nan ta cana den Jan Flemming, Urataca y Macuarima mientras cu den centro di Sta. Cruz nan kier laga cera e filial di laboratorio familiar. Ta lamentabel cu ta cana den pueblo y ora ta tende dolor di e pueblo cu mester duna contenido na salubridad publico, no ta duna esaki. Parlamentario Arondino Croes ta kere cu tin un maneho dualistico den Gobierno. Enves di cana den Sta Cruz. cu ta importante, e Prome Minister mester acudi caminda e dolor real ta. Ta cana priminti pueblo den tur cos, pero ora mester actua ta un otro realidad.

Filial
Den diferente bario cu Laboratorio familiar tin filial, habitantenan di e area ta expresa nan lamento cu Gobierno no ta duna e compania un man. E compania no ta pidiendo Gobierno ningun fabor, loke cu Laboratorio familiar ta pidi, ta pa AZV cumpli cu e pago cu nan tin pendiente cu e laboratorio. Na mes momento pa revisa e formulanan nobo cu a implementa den cuadro di haci analisis nan.

Promesa
Parlamentario Arondino Croes a bisa cu cada biaha cu Prome Minister Mike Eman pasa den e barionan, nan ta puntra e mandatario con a para cu e BBO. A priminti cu ta elimina e BBO, pero no a cumpli. Tampoco e mandatario por contesta e preguntanan den cuadro di e aumento di gastonan pa productonan di consumo den e pais aki.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter