Tuesday, 02 September 2014
Rene Herde' for di Hulanda: E diferencia entre AVP y MEP A bira mas cla ainda na Hulanda Print E-mail
Monday, 11 March 2013 09:06
DSC_2063
E miembronan di parlamento di MEP a bolbe Aruba ta gaba di nan biahe pa Hulanda. Segun e lider di MEP nan "mision" pa Hulanda a wordo cumpli: nan lo a logra parti nan documento riba maneho financiero di nos pais, pa purba convence lidernan politico aki na Hulanda cu cos lo ta bay malo na Aruba.

En realidad henter e partido MEP lo mester ta mas preocupa awor cu prome cu nan lidernan a subi avion! Ami, Rene Herde', tambe tabata na Hulanda den e mes un periodo cu e lidernan di MEP y ami a papia cu e mes un hendenan cu e lidernan di MEP a papia cun'e y ami por a papia cu mas hende den y pafo di politica y Den Haag, riba e desaroyo di nos pais, pasobra ami a keda henter e periodo di e delegacion. E lidernan di MEP por a parti nan "plakboek" di cifranan selecta for di publicacionnan di Banco Central di Aruba, cu ta mustra con bon y independiente Banco Central ta traha. Pero e imagen di nos pais serca politiconan Hulandes a keda un imagen di un pais cu un desaroyo cu ta refleha curashi mei mei di un crisis mundial cu no tin fin, un pais cu un desaroyo amplio riba hopi tereno y cu ta un ehempel pa hopi otro pais rond di mundo. Esaki no ta mi palabranan, pero e impresion cu mas Bo ta tende aki na Hulanda!

E lidernan di MEP a purba pinta un situacion financiero malisimo di Aruba, pero a lubida di menciona cu awor aki ta pagando debenan grandi haci den gobernacion di MEP. E lidernan di MEP a lubida di menciona e desaroyo economico impresionante di un promedio di crecemento di 5% promedio anual. Nan a lubida di mustra riba un crecemente di turismo nunca bisto. Nan no a menciona e inversionnan den infrastructura pa largo plazo cu no solamente a crea trabou pa centenares di hende, pero cu ta fortifica nos economia y crea oportunidadnan economico nobo awor y den futuro. E lidernan di MEP a lubida di menciona cu a reduci costo di awa y energia pa pueblo y pa industria y asina a contribui enormemente na reforsa companianan y e situacion financiero di famianan. Anto cu esaki ta un parti di e maneho total di energia. Tur esaki hunto a percura pa entrada y stabilidad, apesar di e cierre di e refeneria. Loke tambe MEP no a ni menciona, pero cu politiconan Hulandes tur sa, ta cu tin masha hopi inversion pa mantene costo di bida, specialmente pa esnan di menos entrada. Nan mes ta menciona un cantidad di inversion den area social tambe manera "Formacion social" di hobennan, den mehoracion bunita di barionan, den mehoracion di scolnan y miho relacionnan entre gremionan den "Dialogo Social". Nan mes ta menciona esakinan pa mustra cuanto nan sa di Aruba y con nan ta admira tur e esfuersonan di parlamento y gobierno di Aruba. Ela haci hasta ami dolor pa tende politiconan Hulandes bisa con e maneho actual ta completamente pa pueblo, contrario na e gobernacion anterior cu tabata dirigi riba un famia so. Pero obviamente e ta un realidad pa nan tambe!!!!

Loke politiconan Hulandes cu a haya e documento di MEP tambe a remarca vez tras bez ta, cu nan no a tende di e lidernan di MEP ningun plan, proposicion of maneho pa un desaroyo financiero, economico of social diferente cu di gobierno di AVP! "Ze hebben geen alternatief beleid. Dat is opvallend en dan is het kritiek wel erg zwak." Cu e critica selectivo di MEP, e descripcion concientemente incompleto di e desaroyonan na Aruba y e falta di un propio maneho, e lidernan di MEP a haci mas daño nan nan propio imagen y credibilidad, cu na Aruba of na gobierno di Aruba. MEP ta sigui haci e eror di kere cu politiconan na Hulanda no sa kico ta sosode na Aruba. Nan ta sigui kere cu si nan pinta un situacion financiero malo, cu e situacion economico, social, e desaroyo a corto y largo plazo ta wordo lubida. Den palabranan di algun politico Hulandes: "Poco pais tin un perspectiva pa futuro, a corto y largo plazo, asina bon manera Aruba". Esey ta e realidad cu e lidernan di MEP no kier wak y a kere cu nan por a malinforma hende aki na Hulanda didje. Cu e presentacion inprofesional y superficial di MEP na Hulanda, e diferencia entre MEP y AVP a bira mas cla cu nunca antes! Na Aruba y na Hulanda!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter