Wednesday, 23 April 2014
Parlamentario Arondino Croes: Awa ta un derecho y no un fabor politico Print E-mail
Friday, 08 March 2013 13:18
DSC_2063
Den cuadra di contribui na desaroyo di nos pais y como parlamentario saliendo na defensa di e preocupacionan y necesidadnan di e pueblo, parlamentario Arondino Croes a profundisa su mes riba e materia di awa.

Hopi biaha ta scucha gobernantenan ta broma cu nan ta percura pa awa manera ta un fabor politico. Sinembargo esaki no ta asina. No ta por nada cu Nacionan Uni tin awa como un derecho universal cu 122 voto na fabor y 41 abstencion pa reconoce cualkier ciudadano na mundo e derecho pa tin aceso na awa potable y limpi na cualkier lugar di mundo.

Awa ta un necesidad biologico importante den e existencia di e ser humano. Ningun persona por biba sin bebe awa. Alavez awa ta hunga un rol grandi den hygiene di un persona y comunidad. Esaki ta haci cu cualkier gobierno na mundo ta obliga y tin como un di su tareanan primordial pa percura pa awa pa su ciudadanonan. Asina nos ta mira cu mayoria di pais ta cumpli cu esaki tambe, pero ainda den anja 2013 tin hopi pais ta enfrentando problema pa percura pa awa. Un factor cu ta hunga un rol ta cambionan climatologico. Te ainda diaramente tin miyones di hende tin problema cu aceso na awa.

Segun Parlamentario Arondino Croes si nos mira e situacion na Aruba tambe como uno preocupante. Si bien nos por bisa cu Aruba no tin problema cu e limpieza di e awa, si por constata cu dor di situacion financiero preta di hopi famia na Aruba, no ta tur persona tin garantia pa awa. E prijs di awa ta sigi halto. Gobierno a bin cu cierto cambionan pero esakinan no a resulta di soluciona e prijs halto. Gobierno di facto a bin ta aumentando e prijs y supuestamente a bahele, en todo caso ta locual e mes a subi. Segun Parlamentario Arondino Croes su persona a worde acerca pa varios persona kendenan a indica cu e prijs di awa no a baha pa e ta na un nivel pagable. Consequencia di esaki ta cu tur luna tin un gran cantidad di hende cu nan awa ta ser corta. Algun personan ta logra yega na arreglo di pago pero otronan ta keda sin aceso na awa. Segun Parlamentario Arondino Croes basa riba e decision di Nacionan Uni e acto di gobierno pa kita aceso na awa na famianan y ciudadanonan ta uno contra ley. Como parlamentario saliendo na defensa di derechonan primordial di ciudadanonan di Aruba parlamentario Arondino Croes lo sigi cu su trabao pa urgi gobierno bin cu solucionan structural pa alivia e pueblo realmente di e problema di prijs halto pa awa, un producto esencial pa e ser humano.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter