Monday, 20 October 2014
Parlamentario mr. Xiomara Ruiz-Maduro: E nota financiero “Feestvierend ten ondergaan” a wordo bon recibi na Hulanda Print E-mail
Tuesday, 05 March 2013 23:31

XRM TK Den Haag

Un di e metanan di nos bishita di trabou na Den Haag Hulanda ta pa laga instancia y politiconan cu tin afinidad cu Aruba sera conoci cu e berdad cu Gabinete Eman kier tene scondi pa e Pueblo di Aruba. Den cuadro di esaki nos partido ta entregando e nota financiero “Feestvierend ten ondergaan” na tur e instancianan y tambe e politiconan di Reino cu mester ta na altura di e situacion real di e finanzas publico di nos Pais.

Mester bisa cu e nota financiero “Feestvierend ten ondergaan” ta wordo bon recibi na Hulanda. Na varios ocacion nos por a mira con Gabinete Eman ta manipula cu informacion. Specialmente informacion riba nos finanzas publico ta wordo pinta mas bunita cu enrealidad e ta. Esnan cu no sa mihor lo kere cu Gabinete Eman ta haciendo un bon trabou, pero e cifranan di Banco Central ta bisa nos cu Gabinete Eman ta hibando nos Pais den un precipicio di deficitnan halto y debenan nunca antes bisto. No ta pornada cu Banco Central den nan relato annual di 2011 a remarca cu e cifranan di deficit y debe nacional ta cifranan nunca antes bisto na nos Pais. Awor cu Gabinete Eman a caba di presta tur placa riba mercado local y a “crowd out” e sistema financiero di nos Pais, nan ta recuriendo riba mercardo internacional pa busca placa presta pa cubri e necesidad financiero cu pa 2012 tabata 500.000.000 florin. Pa 2013 tur cos ta mustra cu Gabinete Eman lo bolbe fia 500.000.000 florin pa por cubri gasto y debe di gobernacion. Di e forma aki nos Pais ta wordo endueda na un manera acelera. Como cu e Pueblo ta esun cu na fin di dia mester bay paga e debe aki, nos tur tin e derecho di haya sa con nos Pais ta para financieramente. Esaki ta netamente locual cu nos partido kier logra tambe cu e nota financiero “Feestvierend ten ondergaan,”duna e Pueblo y tur otro cu mester wordo informa, un bista riba e situacion real di e finanzas publico di nos Pais. Como cu ta Hulanda ta esun cu mester duna su acuerdo pa Gabinete Eman haya fia e placa aki riba mercado internacional, ta necesario pa na Hulanda tambe e instancianan y politiconan haya e informacion correcto riba nos finanzas publico. Pasobra dunando consentimento na Gabinete Eman sin sa e realidad di nos finanzas publico ta pone mas peso di debe riba e lomba di nos Pueblo y esaki no ta responsabel y tampoco ta husto. Nos Pueblo no merece di wordo maltrata di e moda aki djies pa por cumpli cu e caprichonan di Gabinete Eman. E politiconan Hulandes y di Reino cu ya a recibi un copia di e nota financiero a keda asombra di mira cu tin un otro banda di medaya y cu e informacion cu te awor ta yega na nan orea riba nos finanzas publico no ta cuadra cu realidad. Nan a keda contento di a haya sa e berdad y nos por bisa cu e informacion di e nota financiero “Feestvierend ten ondergaan” a wordo bon recibi na Hulanda.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter