Thursday, 31 July 2014
Drs. Mervin Wyatt Ras: Awe Aruba ta bay sugeri algun forma di cooperacion den Salubridad Publicov Print E-mail
Tuesday, 05 March 2013 23:10

mervin

E bishita na e hospital di Deventer, ganador di premio pa servicio excelente na pashent, ta un di e aspectonan di e biahe pa Hulanda a hala atencion di drs. Mervin Wyatt Ras, kende ta parlamentario independiente. Pa Drs. Mervin Wyatt Ras, e cooperacion cu a constata entre e specialistanan ta loke ta haci cu e hospital aki ta briya pa su servicio.

Nan a mira un area unda cu e specialistanan ta sinta hunto tur dia y dialoga. Den e mesun area ey nan tin nan secretariaat. Nan ta comparti e area aki pa brinda nan servicio tambe y esaki ta encera cu si mester di otro, nan ta cerca ey. E ta wordo haci di e forma aki, segun Parlamentario Wyatt Ras ta bisa, ta pasobra nan ta enfoca riba pasobra ta masha importante pa nan e calidad di servicio cu ta wordo brinda na e pashent. No tin problema pa referi e pashent pa un colega. “Mi a keda hopi impresiona cu e forma di traha aki. Nos ta bezig tambe na Aruba cu un hospitalo nobo, e experiencia aki ta bon pa wordo implementa na Aruba. Ademas di edificio, mester traha riba e calidad tambe,” el a bisa. Den e reunion di diaranson mainta, drs. Mervin Wyatt Ras ta un di e trekkernan di e tema di Salubridad Publico. E comision aki a wordo instala un par di aña pasa, y a haya e tarea pa haci un investigacion con Salubridad Publico ta funciona den e diferente partinan di Reino, mester a investiga con por traha hunto. Aruba, drs. Wyatt Ras a bisa, a haci su trabou ya cu a reuni e stakeholdernan di salubriudad, y a traha un documento den cual a splica e forma di traha na Aruba y con e hendenan ta mira cu por coopera cu otro. A papia tambe cu Minister encarga, Dr. Richard Visser, pa haya sa con Gobiernonan por coopera riba e tereno aki. Hunto cu su colega di Corsou a pone tur e puntonan di cooperacion hunto. E lo wordo trata diaranson y a prepara algun colega mas pa e reunionnan, suministrando nan cu algun informacion. E ta spera di por yega na algun palabracion, manera ta sugeri, entre e paisnan di Reino.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter