| Chris Dammers: A palabra den presidium cu no mag ataca otro |
 |
 |
| Tuesday, 05 March 2013 23:02 |
|
E biaha aki a pone hopi énfasis riba con por traha mas hunto den Reino pa saca probecho di tur locual tin den Reino. Riba e prome dia a papia riba con por coopera cu otro riba tereno di enseñansa, transporte y principalmente energia sostenibel, un tema cu Aruba a bin ta cargando desde cu partido berde a tuma mando di e pais Aruba. Awe y durante e dianan cu ta sigui e reunionnan lo ta enfocando riba delincuencia hubenil, salubridad, tur e oportunidadnan cu por beneficia di nan den Reino, y no por keda for di e discusion, con e diferente partinan di Reino lo bay celebra e dosshen aña di existencia di Reino Hulandes. Loke e por confirma ta cu riba e prome dia di encuentro, tur miembro di Parlamento a participa den esaki. Loke Dammers a haya un poco fastioso ta cu Parlamentarionan opositor ta tratando di pinta Aruba financieramente malo. Cada biaha cu tin pauze, el a conta, e Parlamentario ta para den gang pa core saca potret ora nan ta entrega coleganan Hulandes e rapport cu nan mes a traha. Esaki ta algo cu e ta condena, pasobra den e presidium a wordo bisa bon cla cu e delegacionnan no a bin topa otro den reunionnan, no pa pinta otro malo mas ainda un fraccion ta haci esaki cu su mesun pais, y tampoco paisnan no por ataca otro. Den e presidium a dicidi cu lo papia riba puntonan di con por traha hunto y riba cual terenonan. |
Mustra/Kita e formulario di comentario
