| Prome minister contento cu acogida y demanda cu tin pa e tram y e di dos ta na caminda |
 |
 |
| Tuesday, 05 March 2013 21:59 |
|
E proceso di renovacion di Caya Grandi ta sigui y a puntra Prome minister Mike Eman si nan ta bezig ta monitor e situacion aki ainda. El a bisa cu DOW tin e supervision y cu tur dia nan ta bezig cu e trabaonan, pero tambe tin otro trabaonan den ciudad y no por keda wanta nan pa un caba prome, pasobra henter e ciudad tabata den deterioro. Prome minister a bisa cu e ta spera cu e trabaonan aki lo keda cla na tempo, pero e no tin un fecha cu por bisa ainda. El a papia tambe di e tram cu ta mustra cu ta hayando hopi demanda pero no tin suficiente asiento. E minister a duna di conoce cu su colega di Infrastructura y Imigracion a bay Merca pa despacha e di dos tram y esaki ta na caminda. Esaki lo tin mas espacio cu esun prome, y e ta masha contento di mira e acogida cu esaki a haya, y pronto lo tin dos den circulacion. |
Mustra/Kita e formulario di comentario
