Tuesday, 30 September 2014
Informe di lider di MEP lo no causa impacto na Hulanda segun prome minister Mike Eman Print E-mail
Tuesday, 05 March 2013 22:13

mike mep

Den un entrevista cu prome minister Mike Eman, a mustre cu MEP ta na Hulanda y e lider hunto cu e coleganan ta pasando cerca diferente politico Hulandes. Durante nan bishita nan ta bezig ta entrega un rapport cu nan mes a traha riba e situacion di Aruba den nan bista. A base di esey tabata importante pa puntra prome minister kico ta su reaccion mirando cu ta cuestionando su gobernacion.

Na prome lugar e mandatario a bisa cu esaki ta derecho di expresion di oposicion aunke e no sa cual ta nan contribucion cu Aruba den esaki. Prome minister a bisa cu esaki ta contradictorio pasobra MEP ta bisa cu e gobierno aki a bende Aruba cu Hulanda, pero tog nan ta bay aya pidi Hulanda su intervencion pasobra e situacion di Aruba ta malo. Segun prome minister gobierno di Hulanda ta conoce e situacion di Aruba miho cu oposicion y nan sa tur cos cu gobierno ta haci, ki metanan tin pa Aruba, y tur loke a logra riba tereno social, politico, financiero etc. Nan te hasta ta papia cu admiracion di nos pais. Prome minister ta haya cu Hulanda no ta bay duna mucho acogida na e informe cu MEP ta presenta ayanan pasobra nan sa tambe di loke e gobernacion anterior a haci, nan mes a traha un rapport tocante e miyones di florin cu a bay den saco di famia, oficina di abogado, y pa e propio tata di e lider di oposicion cu a bay cu su rapport, nan sa cual ta su vinculonnan y nan conoce e situacion di pobreza cu Aruba a haya su mes den dje cu barionan deteriora, schoolnan deteriora, edificionan deteriora, empobrecimento di e pueblo, y deterioro di e relacionnan cu institutonan local manera raad van advies, rekenkamer, y cu Hulanda mes. E prome mandatario di Aruba a splica cu no ta solamente e informacion cu gobierno ta duna Hulanda ta ricibi y ta kere den dje. Aruba ta supervisa pa instancianan di exterior manera Fitch Reading, Standard and Poors, ARA y raad van advies y banco central. Y ora e delegacionnan di Hulanda bin Aruba nan ta haci un recorido den tur e instancianan aki y nan ta conclui cada bez cu gobierno ta haciendo un bon trabao y cu nan ta kita sombre pe, y nan mes a nota e cambio inmenso cu e gobierno aki a trece tanto den e situacion economico, financiero y social cu incentivonan pa pueblo progresa y nos pais bay dilanti, pero tambe riba e relacion cu Hulanda cu a mehora notablemente.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter