Wednesday, 27 August 2014
Clarisca Velasquez ta felicita Minister di Labor pa su trabao na fabor di e clase trahador Print E-mail
Tuesday, 05 March 2013 21:54

Clarisca Velasquez007

Den conferencia di prensa di AVP parlamentario Clarisca Velasquez a splica cu e apertura di e departamento di labor y DPL na San Nicolas ta un logro pa pueblo. Clarisca a splica cu esaki ta un grato noticia pasobra asina e pueblo di San Nicolas no mester di bin te Playa te pabao di Wendy’s pa haya servicio, ayudo of conseho di departamento di labor pero awor nan tin e dos sucursalnan den e edificio di Arubus na San Nicolas.

E ta contento cu esaki pasobra e ta parti di e desaroyo di pariba di brug cu tambe mester di dje. Clarisca a felicita Minister di Labor Otmar Oduber pa su bon trabao na fabor di e trahadornan, pasobra for di momento cu el bira minister di labor e no a drumi, pero a cambia cinco ley cu den total ta mas di 200 articulo di leynan laboral cu ta habri caminda pa e trahadornan tin un caminda pa cana ora tin conflicto, loke prome no tabata posible. Ainda falta dos ley pa trata mirando cu na december a aproba dos ley caba den Parlamento, y dos siman pasa un mas a wordo pasa, y ta den schedule pa pronto trata e otro dosnan cu ainda falta. Asina gobierno realmente ta pone enfoke riba e trahadornan pasobra awor tin ley pa sostene nan. E parlamentario a splica con e cambionan den ley ta faborece e hende muher cu no mester discrimina ora di busca trabao cu hende homber tambe ta haci. Un investigacion di cual tin un rapport cu a caba di sali y cu e minister a papia di dje dialuna, cu ta mustra con ultimo temponan mas hende muher ta drenta den e mercado labora su diferente sector y hasta e tin cifranan, y esaki despues di 2006 cu no a tuma lugar ningun investigacion riba tereno laboral.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter