Saturday, 27 December 2014
Matthew Perks: CREF ta e plataforma pa Aruba mustra cu ta un destinacion di clase mundial cla pa proyectonan di energia renovabel Print E-mail
Tuesday, 05 March 2013 19:42
Comparti

Matthew

“Aruba ta yena tur e rekisitonan nenecesario,” asina Matthew Perks, Director Ehecutivo di e Caribbean Renewable Enegy Forum, CREF a bisa durante un conferencia di prensa ayera mainta. Perks hunto cu Prome Minister Mike Eman, Minister di Utilidad Mike de Meza y Director di Utilities Aruba N.V. Frank Hoevertsz a lansa oficialmente e fechanan di e Aruba Green Conference 2013, cu e aña aki nan ta organisa hunto.

Segun Perks “prijs di coriente ta halto den e region. Nos tur sa cu nos mester actua awor. Energia renovabel ta un parti grandi di e solucion.” Esaki ta di cinco aña cu ta organisa e forum cu a keda lansa na aña 2009 y cu rapidamente a crece birando e conferencia di energia renovabel di mas grandi den Caribe. “Nos ta hopi entusiasma y orguyoso di trece e 2013 Caribbean Renewable Energy Forum pa Aruba e aña aki,” Perks a indica. E evento a tuma luga aña pasa na e isla di Puerto Rico caminda a conta cu 400 delegado di 40 pais. E ehecutivo tin tur confianza, cu a pesar cu e standard ta halto, lo por surpasa e expectativanan ya cu Aruba ta “un destinacion di clase mundial pa conferencia, tin comunicacion excelente y ta afortuna di tin un gobierno cu ta dedica na mustra e pais na e comunidad internacional.” Pa CREF ta hopi importante pa hiba su evento na un pais caminda nan ta kere cu e gobierno ta trahando di manera agresivo pa move for di ‘fossil fuel’ pa tipo di energia cu lo ta sostenibel y accesibel riba termino largo. Segun Perks, atrobe Aruba ta cumpli cu tur esey. “Obviamente nos enfoke ta energia renovabel. 20% di e suministro di energia di e pais aki ya caba ta bin for di fuentenan renovabel y 100% ta e obhetivo final. E plannan di gobierno ta ambicioso y nos kier duna un plataforma pa medio di CREF caminda Aruba por presenta su plan na inversionistanan internacional y promove Aruba como un destinacion di inversion ‘green.’” E director ehecutivo a splica na prensa local cu e organisacion di CREF ta caminda recursonan renovabel di Caribe ta topa cu inversionistanan internacinal, tecnologia y conocemento. Nan ta spera un asistencia grandi di oficialnan halto di gobierno, ehecutivonan di companianan di utilidad di Caribe, pero tambe e companinan mas conoce cu ta desaroyando proyectonan rond mundo. “Nos ta bay ricibi bankeronan, inversionistanan, conseheronan, agencianan di desaroyo; en fin, tur hende necesario pa move bay dilanti, lo ta na Aruba e aña aki,” Perks a bisa. E obhetivonan di e edicion 2013 lo ta amplio, pero e ekipo ta cuminsa cu dos, esta brinda un evento di clase mundial cu ta haci Aruba orguyoso y dos, canalisa e financiamento y ehecucion di proyectonan di energia renovabel na Aruba y den e region. E di cuater Aruba Green Conference ta dianan 9, 10 y 11 di october den The Westin Resort. E ekipo di CREF, gobierno di Aruba y Utilities Aruba ta den e proceso di desaroyo di e agenda pa e evento, pero ya caba tin hopi informacion obtenibel riba e website www.caribbeanenergyforum.com. “Nos ta bay move rapidamente cu e organisacion y nos ta contento di conta cu un ekipo excelente aki na Aruba,” Perks a conclui bisando.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter