Monday, 24 November 2014
Minister Mike de Meza: E enfoke ta riba nos hobennan pa carga energia renobabel pa futuro Print E-mail
Tuesday, 05 March 2013 19:31
Comparti

demeza

Durante e conferencia di prensa caminda Gabinete Mike Eman a anuncia realizacion di Aruba Green Conference 2013 hunto cu Caribbean Renewable Energy Forum (CREF), Minister di Utilidad Mike de Meza a expresa su satisfaccion pa e partnership aki y e meta cu Aruba a pone su dilanti pa ta 100% riba energia alternativo.

Tambe el a pone hopi enfasis riba e papel cu hobennan ta hunga den e ehecucion di e plannan di e pais y su futuro. Pesey mes, Minister de Meza a invita hobennan di Aruba pa participa den e conferencia grandi cu lo tuma luga na comienso di luna di october proximo. “Nos sa di e exito cu e Aruba Green Conference tabatin den e ultimo tres aña. CREF ta un forum sumamente grandi, caminda un biaha mas por spera expertonan di rond mundo ya cu nan ta bon conoci pa organis’e den diferente pais di Caribe cu resultadonan sumamente exitoso,” Minister di Utilidad a conta. Entre 400 pa 600 participante, cu 10 pa 20 Minister di Energia di e region ta acudi na e conferencia aki ademas di banco, inversionista, experto y profesor y companianan trahando riba proyectonan di energia renobabel den Caribe y tur otro parti di mundo. Segun e titular di utilidad de Meza, Aruba ta bayendo den bon direccion pa loke ta e meta di bira completamente independiente di petroleo. Esey ta algo cu ta confirma dor di e interes y sosten di institucionnan renombra manera Carbon War Room, Nederlandse Organisatie voor Toegepast Natuurwetenschappelijk Onderzoek (TNO) y awor e Caribbean Renewable Energy Forum (CREF) tambe. “E caminda cu Aruba ta bayendo ta uno sumamente importante pa Aruba, pa e region pero pa mundo tambe” tabata e palabranan di de Meza. Pesey mes ta importante pa proximo generacionnan continua cu e esfuerzonan cu awe ta den su prome fase. “Mi kier a invita tur hende pa participa den esaki. E enfoke ta grandemente pa nos hobennan carga e maneho aki pa futuro.” Un luna pasa, e Minister tabata presente na un conferencia di energia na Trinidad y el a conta cu tabata increibel positivo pa tende con paisnan den Caribe, pero di rond mundo tambe grandi ta wak Aruba como un ehempel y tur kier ta parti di e trabou cu nos pais ta haciendo. “E trabou cu awe nos ta haci hunto ta resulta den beneficionan sumamente positivo pa Aruba y pa mundo den su totalidad,” asina Minister de Meza a conclui gradiciendo y expresando su satisfaccion na CEO di CREF, Matthew Perks pa nan interes, sosten y esfuerzo hunto cu Gobierno di Aruba. Tambe el a felicita Prome Minister Mike Eman, kende ta na cabes di henter e movimiento y ta motiva henter e Gabinete pa traha y logra e obhetivo final.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter