| Minister Dowers a huramenta agentenan David Wing y Marco Kaauw |
 |
 |
| Tuesday, 05 March 2013 19:31 | ||||||
|
Diamars a tuma luga huramentacion di Agentenan David Wing y Marco Kaauw dilanti di Minister di Husticia, Arthur Dowers. E mandatario a desea e dos agentenan un caluroso bonbini den Cuerpo Policial di Aruba. Alto Comisario Dolfi Richardson tabata presente, como tambe otro comisarionan di polis, pa desea Wing y Kaauw bonbini y exito den nan carera. Agente Wing den pasado ya tabata forma parti di e cuerpo policial y awo ta regresando bek den cuerpo como agente. Minister Dowers durante su discuro a toca e topico di "geheimhouding", referiendo na e risico cu por bin cu e kibramento di e promesa aki, unda cu por causa daño na investigacionnan importante. Mester por distingui ki informacion por y cua informacion no por divulga, tanto via medionan di comunicacion, como otro forma, e mandatario a splica. "E integridad di un organisacion ta wordo determina pa un gran parti pa e forma cu bo ta anda cu informacion di bo clientenan y informacion cu bo ta haya di hendenan cu ta yuda bo durante investigacionnan," Minister Dowers a subraya. Sin agentenan Wing y Kaauw lo duna tur di nan banda pa sigi fortalese e Cuerpo Policial di Aruba y garantisa tambe su integridad. Pa mas informacion tocante desaroyonan tumando luga den interes di Cuerpo Policial di Aruba, incluyendo relatonan tocante e unidad nobo "K-9" y diferente opleiding, bishita Dowersblog na www.arthurdowers.com/dowersblog
|
Mustra/Kita e formulario di comentario
