Monday, 01 September 2014
Parlamentario Marlon Sneek: Evelyn, e mesa ta na e haringkar, yega! Print E-mail
Tuesday, 05 March 2013 11:28

mesa

Manera ya mi a trese dilanti den otro articulonan trabounan ta sigui aki na Hulanda pa atende cu entre otro e topico di enseñansa, pa ta spesifico, e debe di estudio cu hopi di nos jiunan di tera tin y e forma con den futuro lo bay finasia estudio pa nos jiunan di tera cu ta escoge pa bin studia aki na Hulanda.

Loke mester bisa aserca ta, cu ta lamentabel pa mira con e negativismo di MEP a crusa frontera e profetanan di desaster Evelyne y Xiomara a bin te Hulanda pa saca nan gal di frustracion y desespertacion, un biaha mas nos por mira con e integrantenan di “Mal Ehempel pa Pueblo” (M.E.P), ta demostra nan hamber pa poder, tresiendo nan “plak boekje”, pa reparti na algun di nan hendenan aki na Hulanda. EWC a kere cu e Hulandesnan no conse, el a kere cu nan no sa cu ta e ta jiu di papa y cu su tata, tanta y ruman a djo djo 8 aña largo riba custia di pueblo, el a pensa cu e Hulandesnan no sa cu nan a fiesta cu placa di pueblo pa 8 aña largo. Mi ta compronde e desesperacion di E.W.C, paso el a entrega minister di asuntonan interno y asuntonan di Reino, senor dr Roland Plasterk su “plak boekje” y e por a tuma nota cu su mentiranan, no a influencia e berdad. Paso ora e minister a yega hulanda el a manda un carta,  pa informa “tweede kamer” di su bishita na Aruba y cu el a keda bou di imprecion, despues di wak con duro, e gobierno di Aruba ta traha pa reinforsa e relacionnan y coperacion cu e partnernan den Reino. Tambe minister Plasterk a trese dilanti, cu e gobierno di Aruba ta atendiendo den un manera eficiente cu e crisis financiero, cu tur pais na mundu ta enfrentando, su palabranan textualmente ta bisa “Aruba toont aan dat zij met veel creativiteit, passie en inzet de economie, de werkgelegenheid en vergroening kan stimuleren”

Tambe el a remarca e echo cu Aruba, ta hasiendo su maximo esfuerso pa bira e hub entre Europa y Sur America

Tristo pa mira con hendenan aki, simplemente pa motivo di hamber pa poder, ta bin fomenta descordia y bende nan patria mi mester bisa mi ta lamenta esaki pero otro nos no por a spera di MEP. Evelyn Wever-Croes, y e parlamentario ilegal sra Xiomara Ruiz Maduro,  a bin Hulanda di diaranson siman pasa, pa supuestamente bishita minister presidente di Hulande, pero te cu e dia di awe ta harin y frikandel nan a sinta come na e “haringkar” na e entrada di binnenhof pa wak si nan ta mira  minister presidente pero nada ainda, diamars 5 di maart minister president , lo atende e delegacionan ofical di e cuater parlamentonan di Reino porta e ora ey Evelyne lo por haña chance di wake. Evelyn como lider, bo a laga hopi di desea bo mester bira mas serio.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter