Wednesday, 27 August 2014
Evelyn Wever-Croes: Problema di fiansa di estudio discuti na hulanda Print E-mail
Tuesday, 05 March 2013 11:17
 

ecw EK

Durante e prome dia di reunionnan interparlamentario a wordo trata e tema di Ensenjansa, Energia y Transporte y con e paisnan den Reino por traha hunto den beneficio di cada pais. Riba tereno di ensenjansa e problema di e fiansa die studio a keda trata. cuidadanonan di Aruba y Curacao tin di hasi cu e problema cu studiantenan tin debenan grandi di paga bek, y na euro.

di parti di Hulanda a remarca ken ta esun cu mester carga e responsabilidad aki, e pais cu ta manda e studiante bai studia (Aruba of Curacao), of e pais cu ta brinda e studiante un estudio (Hulanda). Ademas, na Hulanda mes tin hopi cambio den e sistema di fiansa die studio, y pesey e fiansa ta birando cada biaha menos. “Esaki ta indica cu nos mes mester busca solucionnan na Aruba. MEP a presenta un plan caba cu ta ensera varios paso.

 

E prome ta cu prome cu e studiante bai studia nos mester tin un bista cual ta e estudionan riba nivel MBO, HBO of Universitario, cu nos mester di expertisio den e proximo 10 anja. Esey ta segura cu e studiante ta haya trabow ora e bolbe bek Aruba, sino tanto bal e bai studia pero despues no tin trabow pe.

E di dos paso ta cu nos mester percura pa e studiantenan haya suficiente medio financiero pa por dedica na nan estudio y biba na un nivel acceptable.

E di tres paso ta cu mester yuda e studiantenan na tempo pa haya un trabow, den e ultimo fase di nan estudio, ya asina cu nan caba di studia, nan tin un trabow sigura.

E di cuatro paso ta pa brinda enan cu bin traha na Aruba despues di nan estudio un descuento riba e debe cu nan tin. Y nos mester percura pa esnan cu tin cu pagan an debe bek, por dedusi esaki di nan inkomstenbelasting. Esaki ta e plan di MEP.

 

Mirando cu di parti di Hulanda no por hasi mucho pa yuda nos studiantenan cu tin di paga nan debe bek  nos mes mester tuma accion y yuda nos studiantenan pa alivia e dolornan cu tin awor. MEP tin e vision aki, y lo traha riba dje mesora cu nos ta den gobierno”, segun lider di MEP Evelyn Wever-Croes.

 
 
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter