Friday, 28 November 2014
Mervin Wyatt-Ras: Dialuna a bishita un hospital na Deventer y diamars lo inicia cu e reunionnan interparlamentario Print E-mail
Monday, 04 March 2013 21:18
Comparti

1

Dialuna parlamentario Mervin Wyatt Ras conhuntamente cu otro Parlamentario tanto di Aruba como di Corsou y St. Maarten a bishita un hospital na Deventer. Aki a haya un spliicasion en extenso di e hospital cu a ser construi 5 anja pasa. A splica e forma di traha cu ta dirigi ariba eleva e calidad di servicio. E specialistanan tin nan oficina hunto y ta enfoca ariba nan cooperacion cu otro pa asina eleva e cuido di e patient.

E uzo di registracion electronico a contribui na hisa eficiencia y na mihor cuido na e patient. E pago na specialistanan ta fiha y tur ta haya mesun pago. Tambe den e hospital tin roomservice pa e patient. Tin un capacidad di 230 camber pa patientnan en general y agrega na esaki 36 camber pa mucha, Alavez 51 lugar pa dagbehandeling, 15 camber di ICU, 36 stul pa dialyse, 8 cama pa ciudo pa patientnan di curazon, 10 suite pa duna luz y 11 camber pa operacion. Tin un solo loket pa yega pa ser atendi. E hospital tambe tin un solo sala grandi di espera. Tin un oficina di keho cu ta atende tur reclamo di e patientnan. Esaki ta haci tambe cu por keda mantene e calidad di e cuido cu ta ser duna, conhuntamente cu e control di calidad di e departamento di inspeccion. Durante un recorrido den e hospital por a mira e cambernan cu tin pa 1 pa 2 y pa 3 patient y por nota un sfera hopi agradabel den e hospital. Diamars lo inicia cu reunionnan interparlamentario durante cual lo trata diferente topico. Dicho topiconan a ser trata den diferente gruponan di trabao. E topiconan ta entre otro ensenjanza, energia, transporte den Caribe, salubridad, tambe juventud y hobennan.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter