Thursday, 28 August 2014
Minister Otmar Oduber: E aña aki no tin film festival cu fondonan di ATA Print E-mail
Monday, 04 March 2013 21:05

Otmar oduber

E aña aki no tin film festival mas financia cu fondonan di ATA esaki Minister Otmar Oduber a splica cu e por a compronde cu ATA a haci un evaluacion di e festival siman pasa, y ta na telefon el a papia cu directora di ATA ken a pone na haltura di e decision aki. Minister Otmar a bisa cu ta bay evalua con por continua cu e festival den futuro y e tin un reunion pendiente cu esnan cu ta organiza e festival, pa determina e futuro existencia di e festival den e anjanan cu ta bin.

E lo combersa riba e tema aki cu e directora di ATA cu ta biaha hunto cune pa Hulanda y e lo dune oportunidad pa e haya un bista mas amplio di e prome 3 anjanan di e festival y kico tabata tin na return investment. E minister ta haya cu e return tabata hopi mas halto cu e inversion di un miyon y mei dollar haci, encuanto propaganda y promocion cu Aruba a haya den e tipo di media cu a bin cubri e festival. Minister Otmar a splica cu ATA ta un instancia autonomo y e ta keda respeta esaki. El a papia di actividadnan grandi cu ta wordo organiza, cu tin dos tipo uno ta manera e film festival y Aruba Style Fashion Show cu no ta mira hopi hende presente pero cu tin un exposicion y efecto inmenso na largo plazo, y no por huzga na prome bista si ta of no ta exitoso. E di dos tipo di actividad ta esnan cu tin curpa manera Soul Beach Festival y Musical Explosion cu tabata tin anja pasa y cu a hala di 2000 pa 3000 hende riba nos mercado. Lo evalua kico ta e mehor pa Aruba. E mandatario a splica cu el a pidi ATA pa concentra awor den un evento cu lo tuma lugar na Juni proximo y cu ta un invitacion na tur travel agency mericano. E kier pa eventonan manera tabata tin antes di Atex y Atca bin back, aunke awendia e modo con pasaheronan ta booking a cambia y bay mas riba online. Pero 30% di e negoshi di turismo pa Aruba ta bay via travel agencies y pesey a kies pa den cuadro di maneho di e mercado aki, y e potencial di e mercado, atrae un cantidad di mas of menos 400 travel agencies di Merca cu cual Aruba ta traha pa bin Aruba participa di un conferencia y seminarionan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter