| Minister Dowers di bishita na stichting BIS y HOPE |
 |
 |
| Monday, 04 March 2013 18:26 | ||||||
|
E organisacion BIS ta combina un “tra’i merdia” y training di baseball pa mas o menos 40 hoben entre 6 y 12 aña. Despues di skol e hobennan ta bai huntu na Centro di bario Lago Heights caminda nan ta ricibi un lunch. Entre 2or y 4or di atardi nan ta ricibi ayudo cu nan huiswerk pa despues di 4or nan bai dedica nan tempo na training di baseball. Banda di e aspecto educativo y deportivo e hobennan ta ricibi training tambe riba aspectonan social manera disciplina, control propio, perserverancia, determinacion y consentracion. E docentenan y trainers ta ricibi guia di professor dr. Ir. Hubert Rampersad kende a crea e motodo “Authentic Personal Branding”. CEDE Aruba a pone un suma disponibel pa sostene e projecto aki. Despues Minister Dowers a sigi bishitando Stichting HOPE, “Help Our People Excel”. HOPE ta un organisacion cu ta yuda muchanan pa progresa den nan estudio primario. Minister Dowers a hasi un bishita na e centro di encuento di e hobennan na Watapana Gezaag. Huntu cu docentenan di diferente school na San Nicolas ta escohe e muchanan cu lo participa den e projecto. E muchanan ta den klas 5 y 6 di onderbouw. E projecto ta segura e muchanan no solamente di un guia profesional cu nan huiswerk sino di un upgrade di conocemento den su totalidad. Apesar di guia cu nan huiswerk e programa ta encera tambe preparacion pa e Colegio Toets y actividad riba tereno social y deportivo. Tambe ta siña e muchan e reglanan basico di etiquete y protocol. E muchanan ta haña les den un setting familiar caminda nan por comunica den un manera hopi efectivo cu e grupo y e lidernan. Un grupo di 12 mucha ta participa e aña aki den e projecto. Aruba Bank pa dos aña consecutivo ta facilita e iniciativa por completo.Minister Dowers ta felicita e Stichting BIS Y Stichting HOPE cu nan bunita iniciativa.
|
Mustra/Kita e formulario di comentario
