Tuesday, 30 September 2014
Parlamentario Clarisca Velasquez: Tristo con Mep mes ta bai pidi na Hulanda pa mete den asunto interno di Aruba Print E-mail
Monday, 04 March 2013 18:13

Clarisca Velasquez003
Tristo con leu sed pa poder por jega y Mep ta demostrando esaki cu nan ta hambra pa jega na poder. Con y kiko mester haci nan no ta worry pero ora di papia di autonomia nan ta jena nan boca pa bisa cu nan ta e partido Cu ta sali na vanguardia di Aruba su autonomia. Pero awor kiko Mep ta haci??? Nan ta bai Hulanda y nan ta probecha pa malinforma tur politiconan na Hulanda riba e segun nan e deroche di placa di nos gobierno.

Pero awor por fin pueblo por mira Unda su placa ta wordo inverti. No manera durante e 8 anja di gobernacion di partido Mep caminda famia y amigonan di e gobernantenan a enrikese riba custia di pueblo y pa pueblo ta medida so a impone. Awor tin un gobierno transparente cu ta duna pueblo hasta participacion den tur loke e ta haci. Awor Mep ta bai Hulanda cu e unico meta pa malinforma gobierno Hulandes y tur otro politiconan Hulandes cu nan mala fe. Ta tristo si pa mira con leu sed pa poder por jega. Mep ta anhela pa gobierno di Aruba su autonomia wordo mina door di Hulanda. Esey ta e unico meta cu nan a bai Hulanda cune. Asunto interno di Aruba ta keda pa responsabilidad di Aruba y nos gobierno ta haciendo su trabao manera mester ta. Mep su sed pa poder ta pone nan lubida cu nan ta esunnan cu ta gaba cu ta anan ta sali na vanguardia di autonomia di Aruba pero awor ta bai pidi Hulanda pa mina autonomia di Aruba. Esta tristo!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter