Thursday, 27 November 2014
Andin Bikker: Pa ley tur hende ta inocente a menos cu Corte dicta otro Print E-mail
Thursday, 14 February 2013 12:02
Comparti
DSC_2063
PDR ta lamenta cu Minister Otmar Oduber no ta observa nos Constitucion ja cu e Minister a rabia y ta keda acusa e trahadornanan cu a wordo retira na Arubus di a comete algo sin cu esaki a keda confirma pa un Corte independiente.

Den articulo I.6 di nos Constitucion e principio yama "onschuldpreasumtie" (conoci tambe como "innocent until proven guilty") ta ancra. Minister Oduber ta suppose di sa mihor paso e mes a pasa den un proceso hopi doloroso di investigacion penal. Ela lubida cu den su caso tambe a prima vista e circumstancianan tabata mustra den su contra, na final di dia husticia a cana su caminda y ela sali liber di tur acusacion. Awor cu e ta Minister y cu ta trata un compania bow di su guia diripente ela luibida riba dicho principio di derecho humano basico. Enves di bay riba e argumentonan al caso treci dilanti pa PDR ela cuminsa zundra pa loco y acusa. Por hasta bisa cu e Gobierno aki tin tendencianan dictatorial ja cu cada bes cu un Parlamentario di oposicion trece preocupacion den nomber di e Pueblo cu ta acudi na Parlamento, hopi mandatario ta core reacciona venena y no al caso. Nan ta core bisa cu lo ta practica "populismo", cual ta un muestra cu nan no tin argumento drechi. Pa colmo, si tin un partido populista esey ta netamente partido AVP kende aňasnan a bin ta priminti cosnan djies pa gana eleccion. Ainda ta den nos memoria con un ex-lider di AVP tabata para banda di pomp di gasolin priminti cu e ta bay baha gasolin.

AVP den eleccion pasa a priminti cu den 100 dia of den un termino masha cortico lo baha criminalidad, aboli BBO por completo y un hala di promesa mas cu no a wordo cumpli. E propio Minister Oduber a haya voto di un grupo grandi di taxista cu ela priminti cu nan no mester bay paga pa yega aeropuerto (e promesa ey ta graba), pa despues bay Corte contra nan y impone Afl. 115,- riba nan! Ela priminti un aeropuerto pa San Nicolas, cual por cierto ta un tremendo idea, pero e no a cumpli. Awo ken ta populista? Dus ora papia di populismo ta bon pa Ministernan wak dos biaha den spiel prome. Fraccion di PDR en todo caso lo sigui trece preocupacionan valido di e Pueblo cu e ta representa na un manera profesional y al caso y lo sigui eherce su trabow respetando nos Constitucion. Den e caso di Arubus PDR lo observa e principio cu pa ley tur hende ta innocente a menos cu Corte dicta otro. PDR ta spera cu tur e trahadornan por sali liber di tur acusacion mescos cu destijds sr. Oduber, y nan tambe por pone e capitulo doloroso aki nan tras. Si en caso cu Corte dicta otro e ora por saca conclusion, pero awor aki ta mucho prematuro pa ja caba bay saca conclusion sin cu Corte a dicidi riba e caso. Si Gobierno no kier respeta e principio aki ta nan asunto, pero e ta duna un refleho si con inconsecuente AVP por ta.

Pa colmo PDR a ricibi informacion, cual PDR ta bay averigua si e por ta cuadra cu berdad, cu aparentemente lo tin trahador di Arubus cu a haya nan den un situacion similar cu esnan cu a wordo kita for di trabow, pero aparentemente nan a wordo “gespaar” paso nan lo tin e color politico corecto. Si esey ta berdad anto ta midi cu dos midi.

Comentarionan (3)Add Comment
Zombie
February 14, 2013
201.229.82.4
Votes: +1
...

Awo e gay aki ta laga pasa cu e no a tende nunca di investigacion interno. Stop di tuma hende haci, omg! smilies/angry.gif

Zombie
February 14, 2013
201.229.82.4
Votes: +1
...

Cuanto hende a horta sin cu nan a wordo sentencia nunca! Si e compania no a entrega keho, of si e compania y e empleado a yega na un acuerdo cu otro, no ta interesa e compania mucho e parti hudicial. Hopi biaha un compania ta prefera di haya su placa bek, core cu e empleado cu no ta di confia y pone otro (cu e ta kere of spera) cu ta di confia. Mihor screening y mihor control sigur ta na su lugar! smilies/wink.gif

Zombie
February 14, 2013
201.229.82.4
Votes: +1
...

Cuanto hende a horta sin cu nan a wordo sentencia nunca! Si e compania no a entrega keho, of si e compania y e empleado a yega na un acuerdo cu otro, no ta interesa e compania mucho e parti hudicial. Hopi biaha un compania ta prefera di haya su placa bek, core cu e empleado cu no ta di confia y pone otro (cu e ta kere of spera) cu ta di confia. Mihor screening y mihor control sigur ta na su lugar! smilies/wink.gif

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter